في محل النمور وفي محل الذيابه=مرحبا مرحبا بأسمي وبأسماء عتيبه
من يبا اللعب يقلط ياهلا ومرحبابه=جيت ارحب واهلي بعد طول المغيبه

البقى يارفيق ٍ طال عنا غيابه = ساعة الخير والافراح دايم تجيبه
شدٌ حيلك وراسك لف فيه العصابه = السوالف بعيده والهقاوي قريبه

يابن زراق اشوف الوقت بين عيابه=الله انه يجنبنا دروب المعيبه
كل شايب اليامنه تذكر شبابه= عض الابهام يومه شاف بالعين شيبه

لو مشينا على درب النبي والصحابه = كان ماصار هذا الوقت ياذيب.. خيبه
وين دور الصحافه وين دور الرقابه = ان سكتنا مصيبه وان هرجنا مصيبه

زاد شر الأوادم خص بين القرابه=بينهم كل شك وبينهم كل ريبه
قطع الأرحام بلوى ليت مانبتلابه=ماقطع رحمه الا من تردى نصيبه

مثل ماهو بحاصل بين ..خنذف شبابه = كل عاقل من الجاهل يسوق الضريبه
صار للثعلب المكٌار فالوقت غابه = والأسد صار بيته وسط شبك الزريبه