فلاح يوم انه علي البال طاريك =
باسند لك ابيات المعاني جزيله =
افهم بيوت الي كتبها يناجيك =
جاتك من اقصي القلب مثل المخيله =
ماهمني هرج الردي لوحكي فيك =
مالي ومال اهل النفوس العليله =
عسي المراجل كلها من فداويك =
وياجعل تفداك العيون الضليله =
ترا الردي لوعاشرك دوم نوايك =
مابه مراجل مايعرف الجميله =
دنيا لعينه لاتغرك هقوايك =
يخبرك عن راع التجاير عميله =
صارت مجالسنا تقدر اهل الشيك =
كل حسب ماله يقدس مثيله =
ولو كان يتعب مايجاري مساريك =
الله يبارك للبديل ابديله =
صارت جمال اليوم تصرح مع الديك =
يالعن ابو ابووقت القهر والفشيله =
ومن بعد مصارت تشربك تشربيك =
لازم تفرق بين من تحتميله =
هذي معاني من كتبها يناديك =
والذيب الاشهب مايبات بمسيله =
فلاح ابوخالد تفضل وانا اهديك =
من هاجس يثبت قوله دليله =