مرحبا ترحيب مثل الهيل فوق الشاذليه= افتخر في منتدى ربعي عتيبه تاج راسي
الوعد قدام والذمه من الذمه بريه=يا الدماسي شد حيلك مانبا غير الدماسي

البقا بك يالمرحب عد همال ابرديه=والفخر فالعزوه راسيه مثل الرواسي
الوعد قدام والحسنه مانجزها بسيه=والبحر اكبر مصيبه كان ماتلقى مراسي

بنت ابو زيد الهلالي فا اخر الدنيا شقيه=راحوا اللي وقفوا من دونها والوقت قاسي
الله اكبر يا الشداد اللي على وسق المطيه=دونه الموت الحمر واذكرك لن كنت ناسي

الهوى غلاب يا نايف وقد شدد طميه=والذهب سعره ترى غالي عن اسعار النحاسي
الله اكبر صارت الايام نكبه عالميه=والمصيبه من يجمع ماتبقا من مأسي

يا العضياني ترانا فا الطلب والنار حيه=واعرفنا فا اللزوم نحطم الرقم القياسي
افهم العلم افهمه وان كان في راسك حميه=ماعلاك من الجذع والعب على الطرق الحماسي

خابرمابك قصور وتارد حياض المنيه=دون ربعك والعدو من ضربنا عاقب وخاسي
كان جتنا من جذع ياشيخ والله ماعليه=ماغدالي حق يانايف ورىراع التباسي