المراشده قصه وقصيده
 

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
السلام عليكم ورحمه الله

هذي قصه المراشده السبعه اللى افتكوا الابل

من القوم (حسب علمى انهم من قبيله مطير) والابل

للحفاه مااطولها عليكم لاكن الابيات تشرح القصه وارجوا

من الذين يعرفون القصه والقصيده ان يفيدونى اكثر لان

هذه معلوماتى عنها واتقبل منكم الايضاحات 0


هاضنى قبل امس يوم اذن نصيب 000 قال جاكم صايح ستر راسه في عصاه

ثم توضينا من الماعلى جال القليب 000 وقوم المذن وعجلنا الصلاه

يوم لدينا ليا بنت ماقد جابت بصيب000 كن حب نهودها فلنحر جمره غضاه

قلنا وش العلم يابنت والتبريج عيب 000قالت ان المال ياألاد روق اقفي علاه

يوم جانا صايح البل وحنا نصتصيب 000ميدنا قل الجماعه واللى وراه

والله انك تزهم الرجل بأسمه مايجيب000 مغلق درب النسم زربه مثل الحصاه

ثم دنانا المعارك لعجلات الهذيب 000 كل وحده قد طلع قرحها وهيه فتاه

زادهن الدر والبر وعمور الهذيب 000 لين راحت وحدتهن تشاذي للمهاه

ثم جا مركاضنا سيرته وامره عجيب 000 يوم ياطن الدعث كنهن مع صفاه

جعل ذرعان لحقنا عليهن ماتعيب 000 الحذا فيهن ولاوحده تشكى الحفاه

سبعتن والكل منا على مثل القضيب000 طاير من كف راعيه يطردله قطاه

سبعتن كم فرقوا حبيب عن حبيب000 سعد منهو لاذ فيهم يبا درب النجاه

ثم لحقناهم ليا شيخهم رايه صعيب000 ثم خلينا الرمك بالحذا تاطا علاه

يوم قسمهم صليبين جيناهم صليب000 جا يبى يخيب رجانا وخيبنا رجاه

كم صبي طاح رايحتن عضاه حطيب000 ماتثور المارتين لين تلحس قفاه

ثم جا نطل الجنايز مثل نطل الخشيب000 مثل نطلان الخشب فرضن فلاه

ياهبيل القلب حنا كفايه من يعيب000 دون وبران العشاير نرد حوض المناه

حشمت اللى يوم جا الوقت تعطينا حليب000يوم لان الزاد وطعومنا تحت الرغاه

هجمتن وخذت لبرقا من المضما عزيب000 مايجيها طامع غير نرثع في شواه

هجمتن من وقت عالي وشباب وشبيب00 هم جنبنا ماتلاها الردى ساحب عصاه


وسلامتكم



[/poet]

الاخ الكريم ابن مورق

تسلم والله يعطيك العافيه ولا هنت

ولكن للتوضيح ذكرت ان الابل الي اخذوها القوم للحفاه والصحيح انها ابل شبيب ابن حجنه النفيعي

والشاهد من القصيده

هجمتن وخذت لبرقا من المضما عزيب000 مايجيها طامع غير نرثع في شواه


هجمتن من وقت عالي وشباب وشبيب00 هم جنبنا ماتلاها الردى ساحب عصاه


ولك جزيل الشكر

اخوى ابو ماجد

صدقت والله مدري كيف راحت عليه

ماقصرت وشكرا لك على التوضيح

وبيض الله وجهك

تقبل حياتى قبل تحياتى

تسلم والله يابن مورق


قصه وقصيده رائعه


ونحن في انتظار جديدك


من القصص


ولك خالص تحياتي

الاخ بن مورق
السلام عليكم ورحمة الله وبركاته

ما قصرت ومشكور على القصيده وقائل القصيده هو / سيف الحكره المرشدي غفرالله له ولأموات المسلمين والبل لشبيب بن حجنه

تحياتي للجميع

اخوى التاريخ

العفو وماسوينا شىء

والله يرحم اموات المسلمين

وحنا ماودجنا هنا الا لخدمه منتدى الهيلا

لك اصدق التحايا والود

السلام عليكم جميعا00 ومشكور ياابن مورق على هذه المشاركه واسمح لى ببعض الاضافات00
البل هى ابل الشيخ شبيب بن حجنه والقصيده للشاعر سيف الحكره المرشدى 0
واللذين ردوها هم ال تنيبيك وعبدهم نصيب 00 واختلف الرواه على القصه 0
والمراشده على الشيخ ضيف الله ابن مدوخ ابن تنيبيك ومعه سته فرسان هم00
1- ركيان بن مطلق ابن تنيبيك0
2-سحمان ابن حزام بن تنيبيك0
3-تركي ابن عقاب ابن تنيبيك0
4-مترك ابن عقاب ابن تنيبيك0
5-الفارس نصيب عبد التنابيك0
6- الشاعر سيف الحكره المرشدى0
وللجميع تحياتى0

هلا وغلا براع الحرشا

مشكوووووووووور ولاقصرت

بالنسبه للتوضيح ماقصر اخوى ابو ماجد

وضح جميع مالا ادركه وبالنسبه لى تراها غلطه

مطبعيه بس خليتها عشان ماتقولون رجع وصححها

<========= مسوى فاهم

اخوى راعي الحرشا

بيض الله وجهك ولاقصرت انت والاخوان

دمتم لنا ولمنتدى الهيلااااااا نبراساّ

الشباب ماقصروا في الأيضاح ولاكن الاخ راع الحرشا وفا وكفا وهذا ماسمعته من شيبانا ودمتم

اخى البراق

شكرا لحظورك وتشريفك