ايه فالثانـي عشـر بالظبـط مـن شوّالـه=عـام واحـد واربعـه واثنـيـن ولْـهـن زودي
زودهن ثامن سنه ظمن الحساب كْماله=سجـلـوا تاريخـهـا بالهـجـري المـعـدودي
ايـه فـي هـاك النهـار الحـظ مــد حْبـالـه=وارتـوانـا مــن زلال الصـافـي القـرهـودي
انـتـشـى ســـر الـنـفـود وردد الـزومـالـه=مرحـبـا بعتيـبـه الهـيـلا بــدون حـــدودي
وبسم من رسّى على كل الديار جْبالـه=العـزيـز الـواحــد المتـعـالـي المـعـبـودي
ابتـدا الحفـل الكبيـر وفيـه نــص رْسـالـه=ان ربعـي للوطـن وقـت اللـزوم جْـنـودي
فـي ذرا حكـمٍ نعيـش ونستظـل ظـلالـه=كــل عــام ٍ للملـيـك نْـجـددده بـعـهـودي
الـمـزايــن زان وقــتــه وابــتــدا مــوّالـــه=انبعـث هيـل الـدلال وفـاح ريـح الـعـودي
عـنـد ربـعـي متعبـيـن الخـيـل والخيّـالـه=ربعي اللـي فالملاقـا فعلهـم مشهـودي
نذبـح الكبـش السميـن ونلطـم العيّـالـه=فــي نـهــارٍ يـكـثـر الـدخّــان والـبــارودي
وان وصفت الوضع اباحفظ صورته لجيالـه=ويتمنـى كــل جـيـل ان الـزمـان يـعـودي
زيـنـهـايـازيـنـهـا تــوديـــهـــة الــوبّـــالـــه=عند سمحات الخدود ضحيّ يوم تْقـودي
والعصـيـر احـلـى شــويّ وفيّـتـه مـيّـالـه=نستلـذ ابهـا ليـا هـبّـت هـبـوب الـنـودي
كل شيخٍ صب حب الضيـف فـي فنجالـه=والغـلا بـيـن القبيـلـه كــل يــوم يــزودي
فالـخـيـام ام الفـخـامـه كـنّــي الـرحّـالـه=الـزيــاره والـتـعـارف غـايــة المـقـصـودي
ما حسبت حْسـاب ذا عمـه وهـذا خالـه=العيـال عيـال عـمـي والـجـدود جْــدودي
والشعر سامي شعورٍ فالسما نرقى له=لين نشرب من سحابٍ من وراه رْعـودي
وان شربنـا مـن سحـابـه ينتـثـر همّـالـه=سلسـبـيـلٍ للـكـبـود مـعـطــرٍ بــــورودي
والختام احلى كلامٍ بالجهود اسعـى لـه=عن ظروف المهرجان وعرضه المحمودي
ملتقـى الهيـلا يسـمّـى فالـنـوادر حـالـه=يشهد الله جـل شانـه والعبـاد شهـودي

المشاركة الأصلية كتبت بواسطة أبو مرحبا (المشاركة 753766) صح السان الشاعر الكبير محمد البرقاوي لاهنت ياخلف القثامي على النقل الموفق

المشاركة الأصلية كتبت بواسطة مرزوق حمدان العتيبي (المشاركة 755096) .. . ايـه فـي هـاك النهـار الحـظ مــد حْبـالـه وارتـوانـا مــن زلال الصـافـي القـرهـودي انـتـشـى ســـر الـنـفـود وردد الـزومـالـه مرحـبـا بعتيـبـه الهـيـلا بــدون حـــدودي وبسم من رسّى على كل الديار جْبالـه العـزيـز الـواحــد المتـعـالـي المـعـبـودي ابتـدا الحفـل الكبيـر وفيـه نــص رْسـالـه ان ربعـي للوطـن وقـت اللـزوم جْـنـودي فـي ذرا حكـمٍ نعيـش ونستظـل ظـلالـه كــل عــام ٍ للملـيـك نْـجـددده بـعـهـودي الـمـزايــن زان وقــتــه وابــتــدا مــوّالـــه انبعـث هيـل الـدلال وفـاح ريـح الـعـودي عـنـد ربـعـي متعبـيـن الخـيـل والخيّـالـه ربعي اللـي فالملاقـا فعلهـم مشهـودي شامخه تستحق التثبيت والاطراء صح لسان محمد البرقاوي .. وسلم ذوقك ياخلف

المشاركة الأصلية كتبت بواسطة محمد العتيبي (المشاركة 755099) الله الله صح لسان الشاعر / محمد البرقاوي على هذه الشامخه تسلم يداك ياخلف وتسلم يدين من ثبتها .. ...