الأمل فاالله سبحانـه لنـا مـن غيـره=سائت الأوضـاع والله قـادر يسويهـا
فزعتـك ياناصرالمظلـوم يانصـيـره=تستجيب لدعوته في وقـت مايدعيهـا
مالنـا حيلـه ولاقـدره ولابصـيـره=عطفك ولطفـك أمانـي كلنـا نرجيهـا
الحياه أنعيشها هم ونكـد فـي حيـره=بعد ما الكافـر بـدا بأوطاننـا يغزيهـا
العراق أجتاحه ورسم مخطـط سيـره=للدول يجتاحها بعـده ماهـو ناسيهـا
ياصلاح الدين لك مجدٍ تليـد وسيـره=سيرةٍ عطـره إلـك تاريخنـا يرويهـا
حقق الله النصـر لجيوشـك المغيـره=لجل نفسك مومنـه وإيمانـك ايزكيهـا
تستحق بتضحيتـك الجنـة الشهيـره=بقوة إيمانك تبـا الجنـه تخلـد فيهـا
يكفي أن القدس في عهدك شهد تحريره=ربـك بتوفيقـه موفقـك ياحاميـهـا
قوة إيمانـك هـو سلاحـك بلاذخيـره=والنصر كان إلك فأولها وفـي تاليهـا
عزت المسلم تعـود لدينـه أومصيـره=ينتصر من نصرته وأهل الكفر يخزيها
عصر ذل أنعيش بـه حياتنـا مريـره=نذكـر أبطولاتكـم وامجادكـم نحكيهـا