غـالي فيه الـغلا مـاهو نـدامه
 

[poet font="MS Dialog,5,darkblue,bold,normal" bkcolor="transparent" bkimage="backgrounds/17.gif" border="ridge,5,burlywood" type=0 line=200% align=center use=ex length=0 char="" num="0,black" filter=""]
السلام عليكم
اعضاء وزوار منتدى الهيلا
اتمنى ان تنال اعجابكم

راكب اللي فوق صدامه علامه= وارد الالفين مفصول الكراسي
كن لزمة طارته بارق زعامه= والمراتب كنها مكتب رياسي
لقبوه ولاق للاسم بمقامه= بالملوك ودخل العلم السياسي
فارض غصبا على الناس إحترامه= مع جمال إصناعته قوه وباسي
غالي فيه الغلا ماهو ندامه= مادفع في مركبه فيه إمتواسي
مركب لدنى البشر يرفع مقامه =نادر مثل الجواز الدبلوماسي
من مريكا لنجد تصميمه وخامه= لين ورد بالحصانه في المراسي
يوم لبس الخط ثم سكر لجامه= والمواتر كنها حذف التباسي
كنه اللي بالحلا في الخد شامه= الخناجر في المظاليل النعاسي
يوم يلمع من ورا لثامه زمامه =عاير من كهربه فيه إلتماسي
طوقوه وحط من دوه كرامه= ولبسوه من الذهب باحسن لباسي
ايتعزل بين وقفه وإستقامه =واالله اللي حافظه من كل باسي
حركوه أعصيرمن يم الثمامه= من طوارف عاصمة نجد الحماسي
للكويت ومنطقة خيطان أمامه= دار أخو مريم محللت القواسي
في لزوم قص غزلان المسامه= غلة تفرى صناديق النحاسي
بينهم دور أكتضامه وإبتسامه =وأبسط الاريا عليهم صار قاسي
والحيا لوجيههم رجل العمامه= الضماير محرجه والوقت قاسي
واذكرو ثم ازبنو رجل الشهامه= مزبن للي حداه الوقت راسي
غير مشعل مالهم مدخل سلامه =الفرج بضيافته والطيب ساسي
واضح جوده ماهو بيضة نعامه= يذكره بالكون ناس قبل ناسي
وأختتمها بالتحيه والسلامه= والرجال إبمدحها كيف ونماسي
ــــ& فـهـاد الـذيـابـي&ــــ
[/poet]

فهاد
قصيدة رائعة جدا
قصيدة مليئة
بالصور الجميلة
والصور الخلابة
والمدهشة حين نتاملها
مما يدل على
افق واسع
وخيال خصب
ذلك الذي تتميز به
اضافة الى جماليات
حملت توقيع اخونا فهاد
انه دليل على ان الجميل
لا يكتب الا الجميل
رائع انت ايها الجميل

فهاد الذيابي

صح إلسانك و ماقصرت وإطلالة رائعة0

رايكم وسام
 

وصل حر الاصل طبق الاصل صح لسانك مليار واشكرك على تفاعلك مع القصيده

عبدالاله رايك جميل على القصيده حين تاملتها واشكرك على مرورك الجميل

حسان صح بدنك واشكرك على شعورك الرائع

صح لسانك قصيدة جزلة وشاعر جزل

مرورك وسام
 

[poet font="Simplified Arabic,4,white,normal,normal" bkcolor="transparent" bkimage="" border="solid,4,gray" type=1 line=200% align=center use=ex length=0 char="" num="0,black" filter=""]
فيلسوف الصحراء

صح بدنك

لـقـبــوه ولاق لــلاســم بـمـقـامــه
[/poet]