يا ناصر أنته مغيـّب منذ وقت ٍ طويل = قلادتك ليش ما طبـّـقت قانونها
دامك على شيلها ياخوك >>ما فيك حيل = عطها رجال ٍ تقف بالسيف من دونها

المشاركة الأصلية كتبت بواسطة بدر الكريزي (المشاركة 750198) الله الله .. شرار من البداية .. صح لسانك يا قادح .. وتستاهل قلادة / إي والله .. و بإنتظار ناصر الجلاه .. و تحديد الصف لاحقاً..:)

ماغاب منهو حضر في ماقفه يالزميل=أم الكباير كسرنا فوقها شونها !!
قلادتي سمعتي شجاع ماني ذليل=وأنته قلادتك سبحه صونها صونها !!

لا تكذب وتدّعي بالصدق يا ذا الحليل = غيـّبت في قرب ليلى >> وأنت مجنونها
مالي قلادة لكن أشيل سيف ٍ صقيل = أضربّـه الجن و أ قلـّعبه عيونها

ماني بكاذب ولاني راع قالٍ وقيل=ياليت بعض العباد توفي يديونها !!
ياراعي السيف وينك يوم جاك الدخيل=لاتجحد طعونها يامكثر طعونها !!

ماني بمديون ياناصر >> وهات الدليل = الشجرة اللي نمت >> ما تلحق غصونها
مالك بهالليل لا مقعـاد ولا ّ مقيل = اشوي وصدورنا>> تخرج بمكنونـها

أليا نسيتوا حقيقه مابها مستحيل=بقعاء ليا فرعتلك بيضٍ سنونها !!
ارتاح يابن الثبيتي تحت ضلٍ ضليل=أليا تطفت ياعميلي لاتشبونها !!