يا سلام اللّه عى حاضر وغايب = عدّ ما هبّت ذعاذيع الهبايب
مير وين ألي يسدّون النوايب= وكلّ رجّالٍ يبا يعرف حصيله

ودّي أسولف مع العتبان ساعة = والمواقف كلها شريه وباعة
والعرب كلٍ نجاته من ذراعه= والجمل يبرك ويشتال الثقيلة

ياهلا يامرحبا وأغلى تحيّه=بأسمي وبأسم الرجال أهل الحميّه
تاج راسي عزوتي والنار حيّه=ربعي عتيبه ويانعم القبيله

ماتهيالك على خاطرك عدّه=واللزوم إلّه الرجال اللي تسدّه
وأحمد الله عندنا للضد ضده=والأصيله قدها راع الأصيله