يا عيد يالعازمي من قبل تسعة شهور = درسـّتني درس ... ماني ناسي الملعبه
لكن أنا اليوم أعرف أغوص كل البحور = والمعرفة جاتني ياخوك من تجربه

ماقلت غير الحقيقه في زمان الغرور = غيرك نحدّه ,, ويفتل للعرب بشنبه
باقي عليك اربعه وتحوز كرت العبور = واللي سواتك حرام العازمي ينكبه

أنته من أول .. وذلحينة ما حولك قصور = ومرار يالعازمي تقرص كما العقربه
لكن أنا بعدي العالم >>تروح القبور = شخص ٍ وأدوس الحنش راسه وحتى ذنبه

المشاركة الأصلية كتبت بواسطة سلطان الجـذع (المشاركة 749158) ... الله الله ياقادح شرار :) ... صح لسانكـ وفي أنتظار العازمي ...

المشاركة الأصلية كتبت بواسطة فواز السعيدي (المشاركة 749162) ابك العلم وشهو؟ الليلة الملاعب يا كثرها كثراه الليل الليل صح لسانك ياقادح شرار وفي انتظار العازمي وصح لسانه مقدما متابعين

اشوف قادح معي يبغى يلف ويدور = والمشكله لو نشد الحبل مايكربه
ان كان قصدك تدوّر سور مافيه سور = يوم الذيابه تحوف الظلع ماتقربه

أثرك يالعازمي بارود ...يمكن يثور = لو تدري الناس بالبارود ما تقربه
مير البلا إنك تهزهز >> وقت دق النجور = ترقص كما اللي شياطين الطرب تركبه