سلام يالهيلا سلامن بعد طولت الغياب=يالله عسى تقبل معاذيري لاقلت المعذره
يالجذع ياسلطان والدعوى لها عشرين باب=وان كان عيا عن مواقيفه ترى مانجبره

يامرحبا في واجب الهيلا عزيزين الجناب = ترحيب خير لناصر يصّدر وصدري مصدره
عطنا علومك يالجنيبي والسؤال أله الجواب = ياجاري اللي شرف الموقع حضور.. ونوّره

مدامها سهره مع الهيلا وجرح الشعر طاب=يالجذع قلي وش تبى كل العلوم ميسره
جارك ماقدرته وكنك ماتبى تحسب حساب=خلك على حدك وكثر الهرج مافيه ثمره

ترى الظما مايقطعه ياصاحبي ناصر سراب = الله واكبر يامراويح المزون الممطره
حنا لبسنا الطيبّة ياصاحبي لبس الثياب = وكلٍ حسب قدرة مع كرام السبال نقدره