بعد ماجيت بمحل اهل الفخر واهل الفعولي = ياسلام الله على العتبان واكرر سلامي
قالوا ان عتيبه الهيلا خوال ٍ للرسولي = والمصيبه لو نقلت العلم من صدق كلامي ؟؟

بعد ماجيت الله يحييك يانسل الزحولي=مرحبا بالي لفانا عد من صلى وصامي
الرسول اخواله عتيبه تقول او ماتقولي=والحنيفي وايلي ياعيال وايل بالحلامي

لو عتيبه ياوسيع العرف بالشعر اشهدولي = تدري اني ماعطيت الوضع لو ربع اهتمامي
هرجتك ياصاحبي ازرت تصدقها العقولي = والحنيفي مننا ويبقى من كبار الاسامي

منهو الي قايلك تحضر اشهود عدولي=وانت برى المحكمه مالك خصيم ولا محامي
سالفة حلف اللهازم لخبطت بعض الاصولي=ماسمعت الهرجه الي قالها ولد الامامي

ماهو انت الشاعر اللي انتظر منّك قبولي = منت مستور العصيمي او رشيد ابن الزلامي
قالها بحنكه لجل ماتطقّ للفتنه طبولي = والحقيقه بيّنه والنور جلاي الظلامي

اسئلتك المحرجه تحرجك يالرجل الفضولي=وانت من ناس كريمين وعزيزين وحشامي
مافتن بين الصحابه غير عبدالله سلولي=لين سبب بينهم وقفات خطر وانقسامي