ياموتري ويش رايك نسري لجده=النوم عيا يجي العين الشقاويه
ياشيب عيني من المصلوم ومصده=والمشكله من عفيف ليا البجاديه
فيها الربع كل واحد شايل ٍ عده=دله ونجرٍ وهيل ونص بريه
والموتر دسيتنن من كثرة الكده=صدامها طاح والشمعه تجاريه
وركبوا عليها رجال توفي المده=وقالو نبي الكيف حزت وقت عصريه
وجو في دكاك غبار اظن له مده=ماداج فيها من العربان رجليه
ثم شبو الضو قالو ياهل البده=ماش اجنبي خلو الدعوى سعوديه
وعلومهم بيع اشر لاتحده تلده=الناس فالقيض وهمه ضوهم حيه
وواحدهم ان شفت شكله قلت من قده=يعصب شماغه كذا من دون طاقيه
والكل منهم تعزوى بخته وجده=تقول في ساحة الحرب الصليبيه
حبال الجهل بينهم يالربع ممتده=شهادة اطيبهم اظن ابتدائيه
قلت ارحمونا نبي المعواد والرده=نبي المكيف نبي نريح لو شويه
قالو عليك الله اكبر ياولد جده=هذي علوم الرجال اهل الكراميه
وانت حضري ٍ وعنكم تاجب الصده=عايش عاى النعمه وكثر الرفاهيه
قلت اسمعوا ويش حاديكم عاى الشده=الناس في خير وانتم حالكم سيه
انا حضري والنظر فالبدو مالده=والله يديم الامن وسط السعوديه

المشاركة الأصلية كتبت بواسطة بحر جده (المشاركة 745103) يالنفيعي الله يحييك مرورك شرف والله ماقصروا مير القلب عاى خف وجناح