مرحبا بالشاعر اللي حط له مركا وتكا=مرهي انه ياخذ الشيخه على شمل القبيله
نحسب ان عصار سونامو مايرجع يم دكا=والاكيد افلح فلاح ولاش حاجه مستحيله

البقا للتاجر اللي مابعد للمال زكا=لو يدور الحول بعد الحول مرات طويله
الزمان اللي يهول العقل ياما افرح وبكا=ماغبنّا غير مقرود تردى في زميله

الزكاه اللي بعدها يمسك الرجل ويذكا=كان مافيها ذنوب اكيد مافيها فضيله
الله اعلم مار جاء في السالفه ظنٍ وشكا=يمكن القرقاح عنده سر ماطلع حصيله

القوي لو يظلم وتهظم حقوقه ماتشكا=والضعيف لو عطوه السيف مايقدر يشيله
انت وش باليك تبلشنا بطاروقٍ عاى اكا=والعلوم الثانيه جمٍ ماتغطاه النثيله

البلا كان القوي يظلم ويزعل ويتحكا=يتهمنا بالظليمه والظليمه في شليله
انت لك قافٍ معين تملكه من غير صكا=والزنود اللي تقادح ولعت راس الفتيله

انفتح بابٍ من المشروه لايمكن يصكا=والصحيح اكثر جمال عقيل مافيها عقيله
قالو الخيرات في عكا ورحت اشوف عكا=زرتها بهون وسيله عفتها بهون وسيله