يا الله فزعتك يا المعطـي المانـع البطّـاش=أنت الحـي و الدنيـا ومـا فوقهـا زايـل
حنا يا ابراهيم ابن موسى نبـي المطـراش=يم النـاوي اللـي بارقـه يعجـب الخايـل
سلامي على سلطان أبـو فيصـل الخمّـاش=طويل الذراع اللـي علـى المرجلـه طايـل
رجال عليه البيض تنشـر بيـاض الشـاش=من خرخير إلى سوق الدغارير إلـى حايـل
طويـل الـذراع الهيلـع القالـط الشـواش=تزاعم بـه الهيـلا علـى الموقـف الهايـل
من العزوه اللـي فعلهـم بالجزيـرة طـاش=ذباحـة سمـان الحيـل لطامـة العـايـل
مقامه على بعـض الرجاجيـل مـا ينّـاش=في ذروة سنـام المجـد مـا هـو متمايـل
ضعوف الروابع لو تشيل الذهـب بخيـاش=لا تقضي به الحاجـه و لا تطعـم السايـل
مصباحه على الطائف تهاوى لـه الهتـاش=من وادي شعيب السيل إلـى وادي غزايـل
قولوا عاش ابو فيصل و انا اقول معكم عاش=عـن الاكلبـي لحـد نشدكـم مـن القايـل

المشاركة الأصلية كتبت بواسطة بناخي الايداء (المشاركة 743920) صح لسان ابن جدلان الاكلبي على القصيده الجزله ويستأهل الشيخ سلطان بن حسين الخماش المدح محمد بن دليم بيض الله وجهك على النقل الحصري تحيتي

المشاركة الأصلية كتبت بواسطة سطام الرويس (المشاركة 743933) صح لسان المبدع ابن جدلان ويستاهل الخماش مدحه من مدحنا ولاهنت يابناخي الايداء مبدع دائما تقبل مروري...............

يعطيك العافيه

يابن دليم على القصيده الرائعه لبن جدلان

تحياتي