ياسلامي سلام من حسابي حسبته=وافي الناس احب اوفيه واحسب حسابه
ماشريت القصيد شرا ولاقد نهبته=شاعر من حموله والقبيله عتابه

مرحبا مرحبا بعقاب من يوم شفته=شاعرٍ في محله ياهلا مرحبابه
كان ياعقاب بيت الله عرفته وطفته=عن كثير الدروب الزم دروب الصحابه

من يطيع الهقاوي يالعتيبي حرفته=اعرف الدرب كله وقفته وانقلابه
انت رجل سديد ومن ضربني ضربته=من تركني لحالي تاركه ويش ابابه

دام هرجك بدا ياعقاب طبعك عرفته=خل صدرك يابن عمي شديد الرحابه
من صرفلي ريال جنيه(ن) احمر صرفته=سوق بيع وشرا مافيه سرق ونهابه

يابن عمي حكيم ومن رغبني رغبته=من بغى سوقنا الغالي بماله شرابه
الجمل فيه صبر ومن يعدل رقبته=وادري انك خصيم كل درب سرابه

حق غيرك لنفسك ماخبرتك نسبته=واعتبرها مع اهل العلم علم وذرابه
الجمل للحمول الكايده ليش عبته=انشد اهل المعرفه من بعيد وقرابه

لاهنت يابحر جده


وصح بدنك


اسعدنا مرورك

يالعتيبي يغيب ابليس عنا وجبته=والكتاب الكريم مصلي من قرابه
عفشك اللي نحزمه كيف رحت ونكبته=فيه احد ياجودي هاللون ينثر زهابه