الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعراء قبيلة عتيبة (http://www.otaibah.net/m/forumdisplay.php?f=46)
-   -   قصيدة يا بلير للشاعر منصور الغازي (http://www.otaibah.net/m/showthread.php?t=79191)

المحيــــــط 04-Oct-2008 01:56 PM

قصيدة يا بلير للشاعر منصور الغازي
 
[align=center][B][size=5][font=Arial]بسم الله الرحمن الرحيم


السلام عليكم ورحمة الله وبركاته




قصيدة يا بلير للشاعر المبدع منصور الغازي العتيبي





لتحميل القصيده اضغط كلك يمين ثم حفظ الهدف بأسم




نص القصيده /



يا بلير حالك وش علامه عطايب
وانته رفيقك بوش والغرب اخوها

قوميه الخطه وسم القرايب
انهت مصالح لقمتن تقسموها

بوش الابن جدد لعين الصلايب
وانت الوزاره خدمتك يتهموها

يابلير علم بوش ويش انت جايب
برقيه الغازي لكم فسروها

اخذ الرساله ونتحل دور نايب
ورجع وشاور صاحبك وحسموها

انا ملكت النفظ ياهل الحرايب
اخلاقكم مع حضرتي حسنوها

ونكان لا بالله مانيب هايب
شبو معايه حربكم وشعلوها

ارهاب ونتربول وسلوب عايب
نفس الحيّل ياللي خسأتو ضعوها

هاتو من الماريز عشرة كتايب
وامن التحالف مثلها ودمجوها

انا معي ما في شي(ن) غصايب
لو هي على خطة جنيف امسحوها

ما كل عيد الكم ضحية نهايب
ولا كل هامه لا اعتلت تشنقوها

تبقى الجروح اقصاص مخطي وصايب
وسياسة الفيتو بعد وفروها

ولو هي وزيرتكم تجي لسّبايب
برفض لقائها وامتنع علموهااا

واكتب على كل الصحف حظ خايب
شوفوا ملامح عنزكم واحلبوها

النفط عندي جابه الله وهايب
عين(ن) تفيض امن الذهب كل ابوها

بس الجديد امن الخبر والغرايب
انكم بعد للحين ما حستموها

من فوقها ربي وفي سد شايب
حتى حكومتها مهم يملكوها

لنه ماهو بيب(ن) على القاع سايب
النفط اسماء لا مشت راقبوها

شوفو حقل توت الشفايا سكايب
الريق خام ونسبته ثمنوها

والهيكل اللي لا قفته الهبايب
تسوى الحقول اللي لكم تحرسوها

ثامن عجب يحسب لسبع العجايب
فا البيت الابيض صورته علقوها

يا كونداليزا رايز ام المصايب
الشرق الاوسط كلمتك يحسبوها

حطي مع الأنسان حق الحبايب
نفس الشروط الصارمه وبرموها

اللي يخون البنت يدفع ضرايب
واللي تخون ابحبها حاكموها

اما شباب ابلا دراهم وتايب
والا البنّي كل العنابر املوها

والفاتنه ام الدلع والذوايب
لو هي تقصر في هوايه دعوها

اهي السياسه والدول والركايب
وانا اللجوء اللي زبنت اعذروها

وكان العزاوي يبعد(ن) الطلايب
انا ولد مشيب واهي بنت ابوها





تحيتي / المحيــــط

قايد_السرب 04-Oct-2008 02:03 PM

صح لسان ابو شعوان قصيده جزله من شاعر يفوق الوصف

صح بوحه قصيده ترصع بالذهب والألماس

ولا عدمنا حرفه والله يعطيه العافيه


ومشكور اخوي المحيط على نشر قصايد عملاق الشعر

تحياتي واحترامي لشخصك الكريم

خلف القثامي 04-Oct-2008 03:59 PM

صح لسان الشاعر الكبير / منصور بن شعوان الغازي



ع الابيات الجزله والمفردات الرائعه



وسلمت يالمحيط ع الاختيار الجميل

فهد النفيعي 04-Oct-2008 10:14 PM

صح لسان الشاعر منصور الغازي...


وكان العزاوي يبعد(ن) الطلايب
انا ولد مشيب واهي بنت ابوها

صح لسانه مدد بلاعدد وكفو يا ابن مشيب استمعنا واستمتعنا بقصيده جزله تعبر عن الواقع السياسي والاقتصادي بصياغه رائعه ونقد جذاب.

بارك الله فيك يالمحيط على النقل ولاهنت ولاتحرمنا جديدك.

المحيــــــط 06-Oct-2008 03:34 PM

اقتباس:

المشاركة الأصلية كتبت بواسطة قايد_السرب (المشاركة 743764)
صح لسان ابو شعوان قصيده جزله من شاعر يفوق الوصف

صح بوحه قصيده ترصع بالذهب والألماس

ولا عدمنا حرفه والله يعطيه العافيه


ومشكور اخوي المحيط على نشر قصايد عملاق الشعر

تحياتي واحترامي لشخصك الكريم


قايد_السرب

صح بدنك يالغلاا ولاهنت على الحضور المميز

اطراء من شخصك الكريم لشاعر يستحق ما اطريته به

اسعدني حضورك وتميزك

شكرا لك


تحيتي / المحيــــط

عبدالرحمن الهيلوم 06-Oct-2008 03:45 PM

صح الساااااانه

وصح السانك يالمحـــــــــــــــــــــــــــــــــــــــــــــ ـــــــــــيط الهادي

وعيد سعيد

والله يوفق شعااااااااااااااااار الهيلا

عبد العزيز العضيــاني 06-Oct-2008 03:45 PM

صح لسان الغازي


ولاهنت يالمحيط



تقبل مروري لو ماني بشاعر

هههههههههههههه

مزيد العصيمي 10-Oct-2008 03:02 AM

المحيط : سلمت يداك على الطرح الرائع ..


وصح لسان منصور ...
انا ولد مشيب واهي بنت ابوها

المحيــــــط 10-Oct-2008 07:12 AM

اقتباس:

المشاركة الأصلية كتبت بواسطة خلف القثامي (المشاركة 743803)
صح لسان الشاعر الكبير / منصور بن شعوان الغازي



ع الابيات الجزله والمفردات الرائعه



وسلمت يالمحيط ع الاختيار الجميل


خلف القثامي

صح بدنك يالغالي على الحضور المميز

والروعه اكتملت بتعليقك الجميل

والله يسلم قلبك من كل شر

شكرا لك ولمرورك العذب


تحيتي / المحيـــــط

المحيــــــط 10-Oct-2008 07:16 AM

اقتباس:

المشاركة الأصلية كتبت بواسطة فهد النفيعي (المشاركة 743897)
صح لسان الشاعر منصور الغازي...


وكان العزاوي يبعد(ن) الطلايب
انا ولد مشيب واهي بنت ابوها

صح لسانه مدد بلاعدد وكفو يا ابن مشيب استمعنا واستمتعنا بقصيده جزله تعبر عن الواقع السياسي والاقتصادي بصياغه رائعه ونقد جذاب.

بارك الله فيك يالمحيط على النقل ولاهنت ولاتحرمنا جديدك.

فهد النفيعي
صح بدنك يا بعدهم
اسعدني مرور وتعليقك الثري
والله يبارك بعمرك يالغالي
ولا يحرمنا مرورك العطر والمميز
شكرا لك

تحيتي / المحيــــط


الساعة الآن »07:12 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd