سلامي على إلي فالمواقيف رجّال = وغيره من العربان ماله سلامي
زكاة الشعر عندي ثلاثين موّال = وعشرين شاعر من رصاصة حزامي

هلا مرحبا حييت ياطيّب الفال = نيابه عن اهل الطيب واهل المقامي
زكاة الشعر عندي من الكيف فنجال = نسوقه على شرواك بعد الصيامي

يدوم البقا والطيـّبه مكسب ومال = وأنا أعرف كلام الخصم وأوزن كلامي
تسوقه على شيخان وقروم وعيال = ونكسر فناجيلك بعد كل عامي

الا يالمسلم لاتعجل بالاقوال= سلامك على العربان عمه نظامي
تزكا الشعر وانته سلامك على جال= سلامك قصرته عن جميع الانامي