كل عام ٍ ياجموع المسلمين=نفرح بفطر الله اللي شرعه
وكل عام انعايد الشيخ الرزين=شيخنا اللي كلنا رهن اصبعه
شيخنا اللي مرتكي طول السنين=فوق عز ٍ ماتجيه المسبعه
كل حر ٍ عاش بالديره مدين=لابن زايد يوم فعله يرفعه
راع الأولى ماتلاقي له وزين=ومن يقول آصل مواصيله دعه
وكل عام ٍ للجديده لابسين=مظهر الأفراح كلن يتبعه
بس في هالعيد نفرح فرحتين=نعمتن من ربنا متوزعه
أتعوذ قبل أعد الشايتين=بالكريم اللي دعانا يسمعه
يحتمينا من شرور الحاسدين= يوم بعض الخلق خيره يمنعه
عقب شهر الخير والأجر الثمين=يفطر الصايم ويفطر من معه
ومع فرحنا بفطرنا يالغانمين=نفرح بليلة زواج امشعشعه
العريس يزين الحفل الحسين=والعرب له بالتهاني مسرعه
ليلة ٍ فيها ترانا شايشين=من فرحنا كل نار امولعه
الفرح فيها يسار ومن يمين=حاطها والإتجاهات أربعه
في محل ٍ حي والقاسي يلين=والتراحيب الجزيله منبعه
مرحبا بأفواههم قبل السمين=ورث جدن كل عز يصنعه
ومرحبن معهم بكل الحاضرين=من هجوسن كل جزلن تزرعه
واجب التبريك في سلمن ودين=واجبن نديه ونعرف اسنعه
يامحمد يابن ريف العارفين=يانسل من ممتلي صدره سعه
ياعسى مبروك ومن العايدين=يوم جتلك كلها متجمعه