ياحسبي الله عد مارفرف الطـير = أغنى بلـد بالنفــــط وأكـثر بطـاله ..!
المســأله طالت وتحــــتاج تبـرير = حق الشعب يسأل وش اللي جراله .؟
ابن البــــلد خضّـار ويبيـع جرجير = والأجنبــي مـــكتب و مـرتاح باله ..!
لا والـــذي زاد المتـاهات تعسـيـر = حتى المــوظف ماصفاله حـــــــلاله
بين القروض وبين نهــش الهوامير = ضاع الضعيف وضيّع الســوق ماله
للي حصــل ويصير نحتــاج تفسير = نبي حلول الحـــــين ماهــيب حاله
لا مانبـي تخـــدير نبغاه تغييـــــر = نبي الحـــقايق تتضـــح والعـــداله
من منطلق واقع أنا أطلقت تقـرير = ولخـــادم البيتــــين هذي رســــاله
أما نعــــــــيش بجـــد وبعز وبخـير = وإلا نمـــوت أبرك من نعيــــش عاله