هلا يامرحبا في ديار أهل عمهوج وأهل الصيت=ليا منك جهلت أنشد عن اللاد عضياني
يقولون الرجال ونعم أهل مقاف وجاه وبيت=ولن ركبوا ظهور الخيل فالميدان فرساني

يدوم الك البقا وانت تناديني وأقول أوحيت=وأهل عمهوج قومن ذكرهم ماهو بيخفاني
تهرج ياحبيب وأخذ رد البيت رد البيت=عصا موسى معي وانت معك خاتم سليماني

انا خابرك تدري والعرب تدري بحي وميت=لو انك مادريت اصلن للأول علم الثاني
والا ياللي تسير بالعصا لو كان رحت وجيت=انا عندي ثقه تمزح ولا يمكن تحداني

أضنك كل قصدك يوم انا هاك السنة حجيت=ذبحت الفدي الاول ثم ذبحت اوخيه الثاني
على يمناي واسمعني ليا غنيت=مامشاها العريباني على شان العريباني

متى حجيت وانا خابرنك ماتعدا هيت=اضنك رايح للمكرمي مع خط نجراني
والله انا مانزل ولا نتصيد لك ليا زليت=انا ابوي على الشعار قبل لايموت وصاني

ماتذكر يوم مريتك على النيسان والوانيت=يومنك في عفيف مجندل لك كوم ضباني