قبور الشيوخ العواجية "عقاب العواجي "
 

السلام عليكم


كيف حالكم وكل عام وانتم بخير



الكل يعرف ان عقاب وحجاب لم يدفنوا بأبرق الشيوخ


بل في سهلة مطيرده ولكن لقرب الابرق الشيوخ وشهرته .


سميت القبور بأسمه لقربها منه


ابرق الشيوخ عن بعد

http://www.mekshat.com/pix/upload02/...20%2844%29.jpg


عن قرب

http://www.mekshat.com/pix/upload02/...20%2845%29.jpg



قبور الشيوخ عقاب وحجاب العواجي رحمة الله عليهم

http://www.mekshat.com/pix/upload02/...20%2846%29.jpg

قبر الشيخ عقاب بن سعدون العواجي رحمة الله عليه

http://www.mekshat.com/pix/upload02/...20%2847%29.jpg



قبر الشيخ حجباب بن سعدون العواجي

http://www.mekshat.com/pix/upload02/...20%2849%29.jpg



وهذي نصيبة القبر ويظهر فيها جزء من اسمه " عقاب "


http://www.mekshat.com/pix/upload02/...20%2850%29.jpg






القبور بسهلة مطيرده ويظهر خلفهن الابرق شيوخ

http://www.mekshat.com/pix/upload02/...20%2852%29.jpg



القبور ويظهر سهلة مطيرده وخلفها (فردة الشموس) الجبل

http://www.mekshat.com/pix/upload02/...20%2853%29.jpg


آبار المرير بسهلة مطيرده وهي مغلقة بالحديد ومقفلة وهكذا اغلب الموارد القديمة بتلك المناطق تكون مغلقة خشية
انطمارها من الرمال وخاصة اذا كان به بديل او لم تعد تستخدم

http://www.mekshat.com/pix/upload02/...20%2855%29.jpg



( جبل اوريك وزبارة الرملي )
http://www.mekshat.com/pix/upload02/...20%2856%29.jpg




.




انتهى الموضوع




.

.

.

[/font][/size]




..
.

الله يرحمهم اجمعين

مشكوووووووووووووور يالغالي

الله يرحم اموات المسلمين



وشكرا على الموضوع

((((((اللهم إني صائم ))))))))

الله يرحمهم جميع ويغفر لهم ويعفو عنهم في هذا الشهر الكريم بداية من العواجيةوألف نعم وما تكفيهم والقعيط والزماميل وأمواتنا وأموت المسلمين (((وكل عن قريب أموات)))
ونعم بعنزة وشيوخهم والعواجية وأرجو من الاخوان انهاء الموضوع لأنها كانت أيام عصبية قبيلة بغيضة وانتهت واليوم كلن معروف ومخبور فعله من غير حقران بجميع القبايل وعلى رأسها الهيلا ذباحة الحايل لطامة العايل
وقبيلة عنزة العظيمة القريبة لنا والمجاورة فنعتبرها شقيقة لنا وتربطنا معها أواصر رحم ونسابة واختلاط بكل شيء
وما فيه داعي لإثارة العصبيات والنعرات القبيلية بمواضيع مضى عليها دهر من الزمن واندثرت
بعدين هذيك كنت أيام جهل وفسق وإلا مسلمين يتقاتلون بينهم والله كبيرة إراقة دماء وتيتيم أطفال وثكالى وفقر وجهل على غير علم
دعونا ندعو للتصافح والسلام في هذه العشر الأخيرة من رمضان في نسمات الرحمة والغفران
ونفكر كلنا كمسلمين في العدو المشترك للإسلام
ونستعد للمستقبل وننسى الماضي يا بعد حيي انتم هالخشوم
ولا يستشك اليوم كود الرديين وإلا ترى الطيب وسيع بطانه

والسلام عليكم

ابن رشيد / حائل / برزان

الله يرحمهم


ولا عليك يابن رشيد



ومشكور ياخوي على الموضوع

اخوي وزير الفدعان الله يسلمك


الله يخليك فكنا من المواضيع هذي


امور انتهت الله يسلمك

وترى علي ملاحظات عليك الله يسلمك واجدة بردك

فيه اشياء غلطت بها


اولها القصيدة اللي قلتها

ياذيب ياذيب العماير وزاقوب

ترى هذي معروفه ماهي بمعارك شمر


انا ماودي اكثر الكلام لكن تجيك بالخاص رساله

الله يرحمهم واعجبي رد الشمري بيض الله وجهه
.....
ارجعوا لموضوع الاخ الغامدي عن العصبية القبلية وتوحد اعداءنا من الرافضة ومحاولتهم تأجيج الفتن من خلال التسجيل في المنتديات وشب هذه الفتنه..
..
فالنهاية لكنا اخوانا..واللي فات مات..والله يغفر لهم كانت ايام جهل وتناحر والا قتل المسلم محرم ولايفتخر فيه ابدا
..
بورك في الجميع

مدري وش الهدف من تصوير هالقبور
قبور صحابه والا قبور انبياء
انما هم فرسان قتلوا على يد فرسان مثل غيرهم ممن قتل في الماضي
والا هذولا بهم نوف عن باقي فريس القبايل؟؟؟؟ يمكن

كيف يمكن ان يفخر رجل عاقل بقتل زمال بعد ان شبع في بيته؟؟؟؟؟؟


هذلول رحمه الله واموات المسلمين
تواجه مع العواجية
وقتل منهم محمد العواجي...... فهيد العواجي ابناء عم لعقاب
وقتل رجا البوهي وهو من شرب فنجال هذلول الشويهري

يقول الشاعر حسين الذنيب وهو ممن حضروا المعركة وهو اللذي قتل رجا

ركض بهم ولد العواجي علينا... من الزود ما جنب طريق المهافي
ومنها
دونك رجا في ملعب الغانمينا....عقب الوجب تذري عليه السوافي
ومحمد يسري الحمر من يمينا....استقرعه ستر البني العفافي
فهيد وقع بالجر يالذاهبينا.....ماخوذ ياركب تروح خفافي
ياما رجمناهم بحد البطينا.... بمشنشلات مع سيوف رهافي
اليا انتخا هذلول ثم انتخينا....لعيون ربع قرنوا بالكتافي

كان هذلول كثير المغازي على العواجية على وقت عقاب
لذلك نذروا عليه النذور على ذبحته ارهبهم
يقول عقاب(( هذا ان الله عطاه عمر يخلينا نشرب ما))
ويقول قبل يذبحه وهو منيع(( يكلم هذلول( كل اخيذ يوخذ منا؟ من اخذه؟ اخذه هذلول الشويهري
وتبين افكك)))

كان هذلول منيع عند ابن نوبان من عنزة كان بوجهه لكنه خاف من عقاب وسلم اللي بوجهه
لعقاب وذبحوه العواجية وهو منيع ودمه بارد حرج عندهم الله لا يعاقبنا
وكان سعدون العواجي رافض لذبح هذلول بهالطريقة لانها ماهي من سلوم العرب

يقول به بن طوعان
والله فلا يطلع لنا مثل هذلول..... حماي تالي شمر بالدبيله
يامن خبر نية عقاب بهذلول.... من يذبح البارد وهو مع دخيله
والله فلا تبرد مسامير هذلول... وعقاب ما رزت عليه النصيله

وفعلا رزت عليه النصايب هو واخوه والمرتعد ومزعل

سمع هايس وهو يم الجزيرة ان عشيرة هذلول ذبح وانه نخاوا قبل يذبح
يقول وين اخو سعدى ياحق ابوى ونخا شمر
المهم غزا هايس من الجزيرة معه خمسين خيال ومعه زماميل
مر على خاله بن رمال واخذ منه فرس
ويوم وصل حروة موقق طلب من الزماميل انهم ينحرون موقق اهلة شمر وهم ضاعوا ما يعرفون
الديرة الزماميل اخطوا الطريق ونحروا بيضا نثيل
وقضبوهم العواجية
صار طراد خيل بينهم عاد حتى وصلوا مطيرده
ويوم وصلوا العدامه قال هايس اللي يتعدى العدامه ما يرد تروا مدفوق فنجاله بين شمر
وتروا ولد راعيه اللي ما يرد
وهي ترد لك شمر
وعقاب ينشد وين هايس وانا خو نمشه قال ابشربه
وهي تحضاه لك هايس كل ما جا يدلي يبي يضربه بالرمح يلكد فلحا وتضهره
وضربه هايس بالرمح وقام دمه مثل العزالي نع ايمنه ويسراه
وعقاب بيي يبعد عن هايس يبي يرد عليه ياخذ على الخيل مرواس ويرد عليهم لكن هايس فارس
ماخلاه نخا مفيز العفر (( سنعوس اجع الخيال)) صويب لك ياطويل العمر شاف دمه
قال ابشر به ياطويل العمر وعقاب يزجر الخيل هناه وانا خو نمشه قال مفيز
هناه اللي يذبحك ضربه بالرمح وتركه صويب بيي احد دنايا هذلول من السويد يثارون به بدم هذلول
ذبحه ساير وهو اللي صوب حجاب وذكاه
ومن ضمن الذبحا
عقاب وحجاب ومزعل العواجي وهو عمهم
وكذلك المرتعد
قصدوا قوصيد شمر مبيريك والطوعان وغيرهم
ضبيب خذا الزماميل بوجهه ويوم درى بذبحة الشيوخ
ذبح المنعا اللله لا يفشلنا سافلت عنزة
يقول مبيريك
ضبيب بنى بيته على قلة الخير.....فوايهه بين القبايل تسامي
قود المنيع وذبحته للخطاطير... من عقب ما شبعوا بيته طعامي
قود الشوارب باختلاف المشاهير...بالي نزا ياضبيب والقبس حامي

(( ياضبيب لو ذبحت كل الزماميل.... ذبحت دخيل البيت ما ترفع الباب)) بن طوعان

اخي كاتب الموضوع ما اشوف قبر مزعل العواجي والمرتعد
والا ذولا ما قبروا كلتهم السباع والا ماهم شيوخ يقبرون

تمتع بالصور تذكرك بجدانك وشوف اسمى ذبحتون بعد ما شيبت
ههههههههههههههههههههههههه