يامرحبا عداد همال المخيل=بسم الرجال اللي يضلل ضلها
يامرحبا ترحيبة ٍ تشف العليل=بضيوفنا اللي شرفت محلها
عند النمور اللي لهم باع ٍ طويل=الفعل يعرف والدروب اندلها
حماية الماقف ومدخلت الدخيل=اليا بغانا حاجة ٍ ناصلها
عشنا ولافينا ضعيف ولابخيل=اهل الكرم والطيب يعرف دلها
اليا لفانا فاللقاء عابر سبيل=يلقاء العنايه والحفاوه كلها
رجالنا قوي باس وفيه حيل=واليا غزى كبد الرفاقه بلها
فعل ٍ ينومس كل جيل ٍ بعد جيل=مثل المزون اللي ثعوله هلها
اهل الكرم والجاه والفعل الثقيل=مثل السيوف اللي ينومس سلها
وقت العزاوي فعلنا يرو الصقيل=يدخل على كبود العدى ويخلها
من دون قاصر بالقبايل مستحيل=ننسى رجال ٍ كملت في حلها
اللي رقى مذكور بالعلم الجميل=تعرف فعوله دقها من جلها
واختامها صلوا عدد سيل ٍ يسيل=على نبي الامه اللي دلها