سلام الله على العتبان عقب غياب شهرين= رجال المعرفه والمعرفه من ربي الوالي
انا ماجيت غير ابغى الكلام اللي يسر العين= ولامني بليت آقف مثل وقفات الابطالي

هلا يا مرحبا بك بالنيابه والوعد بعدين=نبارك بالشهر كل العرب وانقول الامثالي
تخيل به ذهيب(ن) راح واقفى مادريت منين=يسمونه معزب مير احسبه حسبة التالي

ياعلك للبقا ياللي ترحب والوعد هلحين= بعد مااقول مثل اللي تقوله ياابيض الفالي
بفضل الله تراني يالعتيبي ماغدا لي دين=ولك منزلك لكن لاتحاول قرب منزالي

تراني ياعميلي من رجال اهل التقا والدين=قحطان ساس المعرفه تنومس كل الافعالي
توكد من رصيدك يالعتيبي وانشد الماشين=وانا ماظن عندك بالزمن دينار و اريالي

توكد من كلامك واعرف ان الشين ماهو زين=واذا ماشفت عيبك قلت لك مشكور ياغالي
انا ماني عتيبي لاتروح يسار والا يمين =من اصحاب المقام اللي على كل العرب عالي