الهيـــــــــــــلا *** منتدى قبيلة عتيبة - ابن الذيب ---وانا على شانش ازعـل حكومـة قطـر

الله يقطـع هـل الدمـام ياهـل الخـبـر
واعدت ابو ريـوف بزيـاره ولا زرتهـا
ياريوف ليـل المـوادع دمـع ولا سهـر
لـو انهـا فـي اختيـاري ماتخيرتـهـا
وانا فراسي قصيـده تشتغـل مـن ظهـر
اخـاف عينـي تغمـض مابعـد قلتـهـا
لكـن قولـي لبنـات السّـد ولا النصـر
وشرايهـم فـي هنـوفٍ يـوم عيّنتـهـا
جديلهـا يـدّهـر ورموشـهـا تـدّهـر
وثيابهـا كـل ماهـب الهـوى بختـهـا
ماهيب ثيّـب مـن الفتنـه ولاهـي بكـر
لكنهـا مـن غـلاهـا لــي تباكرتـهـا
وردوفها رفرف الجمس الجديـد الحمـر
مستعملـه بــس لذلحـيـن ماسقتـهـا
قالولي اخذ اختهـا قلـت الليالـي دهـر
ماهيـب ملـغـا ولاكـنـي تمالغتـهـا
كن نيل مصر الجديد اللي يصب فمصـر
نيـل امهـا وكـن دلتـا سوريـا دلتهـا
ان سولفـت سولفـت لكـن بالمختصـر
كنها تضامن مـع البكمـان فـي صمتهـا
اذا ضحكت قلت ياربـي عليـك الصبـر
والا بكـت قلـت يـاربـي ماصبرتـهـا
والخيل والليـل والبيـدا ووجـه الفقـر
اتطيح من عيني اليسـرى لـي ناظرتهـا
حتى هوى الطايف اللي كل ليلـه مطـر
كنـي مصـيـف بـجـوه لاتحضنتـهـا
امحق سنه عاد نفسي فيش وامحق شهـر
مافيـه مـره بعـد فـرقـاش ماذقتـهـا
وانا على شانش ازعـل حكومـة قطـر
عجمـي وقلبـي خبـل لابعتهـا بعتـهـا
امتن من الضعف واطول من ظلال العصر
يضيـع فيهـا النظـر لامنـك ناظرتهـا
ياقلّهـا يـوم الـدّ العيـن يـم الخصـر
والا تـعـديـت قلّـتـهـا تكاثـرتـهـا
من المخافـه مايوقظـك لصـلاة الفجـر
ومـن الطهـاره مايفـكـي لا تيممتـهـا
الا اقبلت كنّهـا الارهـاق بعـد السفـر
متثيقلـه مــن سـحـا والا تثيقلتـهـا
يدفّهـا الشـوق دف العاصفـه للشـجـر
وتميـل لـكـن تستـعـدل لا عدّلتـهـا
وساعة ماتزعل كن الزعلان منـك بـزر
ياجعلـك تمـوت يامحـمـد مازعلتـهـا
وياجعل مالش ياعيني غيـر فتنـه نظـر
والله يلعـنـك ياقـلـبـي لا همّلـتـهـا
الله خلقهـا بشـر لكـن غيـر البـشـر
الناس من تحتهـا والارض مـن تحتهـا
قالـت انـا الحمـدلله والثنـا والشـكـر
قلت انتـي اللقمـه اللـي مابعـد كلتهـا
قالت على الموت قلت انتي عذاب القبـر
قالـت لا بالله يبـن الذيـب مصّختـهـا
الله عطاها شـرف مريـم وتقـوى عمـر
وانـا اذا ذعـذع الغـربـي توسّدتـهـا
بس اعذرونـي اذا غنيـت يااهـل قطـر
والله يغـفـر ذنـوبـي يــوم حلّلتـهـا
ماهـو جنـون الغنـم ولا جنـون البقـر
شاعـر وعنـدي قصيـدة زينـه وقلتهـا
قولولهـا لاتروينـي نـجـوم الظـهـر
يمّـا تـرد الخبـر ولاعشقـت اختـهـا

ابن الذيب ونعم والله انك كذا ياالذيب

منقووووول