الليل يالشعار لا ينتابكم ريبه وخوف=والطيبة تسري براكبها وهو يسريبها
بين الرماح وبين ضرب الشلف وضروب السيوف=اصيب راع السابقه والا الذلول اصيبها

يا مرحباا يإلي قريت الرد وعيونك تشوف = النار لا تالع في ثوبك وأنت ماتدريبها
يا صاحبي دام النقط موجودة ٍِ فوق الحروف = ياطيب بعض القوم وهروجه ترى ياطيبها

دام البقا واقلط على بن اليمن قبل الخروف=اهل السلوم افرح ليا جتني وابا اهليبها
ترى السحابه خيلت تبغا مطر والا شعوف=اما سعاده للعرب الا البلا يلويبها

وحنا على سلم الوفاء يا صاحبي رغم الظروف = وترى الحياه أدروس والعاقل كسب تجريبها
أرفع كفوفك للسماء ربّ السماء يملا الكفوف = يا شيب عين الناس هذي يا عرب يا شيبها

الليل ابا وريك شيٍ في قديمات الزروف=وانته زروفك للملاعب كل لاله جيبها
انته كما نار توهجر فوق ضلعٍ فالهفوف=تاكل خضرها واليباس ولا يهمك شيبها

الحرب طقوا طبلته يإلي تطقون الدفوف = وتصيح لك عذراء بعد قامت تطر بجيبها
وأنته كما نار ٍ توّهج فالبواجي والبلوف = تآكل حديد الأرض والدنيا تبى تخريبها