السخافه واللقافه فـي الصحافـه = متكفله فيهـا وزارات الأعـلام
بأنواعهـا فيهـا تخلـف ثقافـه = ظلم الجهل خيم علي روس الأقلام
فكر(ن) تغذا جهل صعب انفطامه = لذا توقع منه لـي طـاح ماقـام
اطول من ارقاب النعام الزرافـه = لكن تراها اجبن فصيله في الأنعام
كثر الحكي يصبح علي الناس آفه = ويصيد فيها صيدتـه كـل نمـام
خذو من الشاعر صحيح أعترافه = اقولها وابصـم عليهـا باالأبهـام
نبـي نأسـس دايـره للنظافـه = تشيل من درب البشر شلة خمـام
هذا خطاكـم ياوزيـر الثقافـه = والصح ما جاء في تعاليم الإسلام

الشاعر / محمد بن عبدالرحمن الصفيان

لاهنت ياشاعرنا وبجد وصراحة انك صادق

( كثر الحكي يصبح علي الناس آفه .. ويصيد فيها صيدته كل نمام )

بيت جدآ جميل ومعبر

وصراحه صادق انه هالعلمانيين والليبرالليين فعلآ (شلة خمام)


(اطول من ارقاب النعام الزرافه ،، لكن تراها اجبن فصيله في الأنعام)

صح لســـانك

شاعر بحق يهمه القضايا المعاصره وواضح وصريح ليس كشعرا النفاق والغزل والكذب لافوض فوك يا ابوعبدالرحمن



أتمنى أن يروق لكـــم أنتقائي


تحياتي وتقديري للجميع

عين السيح

يعطيك الف عافيه فعلاً قصيده معبره تحكي عن الواقع

تحياتي لك