الهيـــــــــــــلا *** منتدى قبيلة عتيبة
صفحة 1 من 3 1 23
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   الـلّـه يـبـارك فـي عتـيـبـه والـبـقـوم أهـل تـرُبـه(حبيّب×حمود) . (http://www.otaibah.net/m/showthread.php?t=78234)

قادح شرار 16-Sep-2008 05:07 AM
الـلّـه يـبـارك فـي عتـيـبـه والـبـقـوم أهـل تـرُبـه(حبيّب×حمود) .
 
صبحكم / مساكم الله بالخير مشرفين وأعضاء وزوار منتدى قبيلة عتيبه الهيـــــــلا .

من جديد ...

وكما عودتكم دائما ً بتقديم الشئ الذي يليق بذائقة أصحاب الأذواق الرفيعة , أتيت إليكم بمحاورة من العيـــار 21 , محاورة تميزت بتميّز شعارها .

بينما جمعت تلك الحفلة شعراء كبار وهم : رشيد الزلامي , حبيّب العازمي , حمود السمّي البقمي , صقر سليم .

لا أطيل عليكم بالقدمة ولكن أترككم تستخرجون الدُرر بأنفسكم .


حبيب العازمي :

يا مرحبا بالطيـبـين اللي لفو للطيـبـيـن = والطيب وهبة والبشر كل ٍ على ما يكسبه
محتار في جمع العدد بين الثلاثة والثنين = أقرا ثلاثة والثنين أقراه وأزريّـت أكتبه


حمود السمي:
دام البقا يالغانمين اللي تـفـي للغانمين = والناس وش يبقالهم غير العلوم الطيبه
ما عاد معك إلا الصبر والله يعين الصابرين = وأنته معلّـم والمعلّـم معه خبرة تجربه


حبيب العازمي :
حنا نكمّل فاللزوم وفالمواقف حاضرين = لكن سولف بالكلام اللي تريده وانتبـه
الله يكون بعونكم حيـين ولا ميتيـن = ما يُـعقل الفنجال الأول كل واحد يشربه


حمود السمي :
علم الحيا والطيبين يـبين من هاك السنين = الله يبارك في عتيبه والبقوم أهل تربـه
الله يكون بعوننا وبعونكم يا مسلمين = والصادق إليا قال علم ٍ صدق محد ٍ كذبه


حبيب العازمي :
يا الأيسرين اللي على السكة ترانا الأيمنيـن = والرجل نكرم لحيته والخبل ننطل بشنبه
والله يساعدنا علاكم كان جيتوا معتدين = اللي نصرّف جثته واللي حلاله نسلبه


حمود السمي :
الخط ما يحكُم علينا ..سكة ٍ لمسافرين = يالعازمي وراك تـقـرص مثل قرص العقربه
إن كان رحتوا ما عليكم بالسلامة سالمين = وإن كان جيتوا يا عسى الله ما يحملّنا رقبه


حبيب العازمي :
الخط سكة للعرب وأنتم عليها طامرين = واللي طمر فالخط يصدم فالرصيف ويقلبه
يا حبنا لأصحابنا ومن الصفوف الأولين = من شافنا لو كان يكرهنا ترانا نعجبه


حمود السمي :
نقعد لكم في دربكم مقفين ولا مقبلين = واللي يجي منكم مع الخط السريع نحاسبه

أنتهت المحاورة .....

إنتظرونا فالمرة القادمة ........

عبدالرحمن الهيلوم 16-Sep-2008 05:10 AM
صحت السنتهم


وانعم واكرم بسهووووم المنايا وظهور السواني جيران وغالين

الباااسل 16-Sep-2008 10:02 AM
لاهنت على النقل

وعاش الكنق ابوفيصل

عبدالله المطرفي الهذلي 16-Sep-2008 11:49 AM
محاورة رائعه جداً يعطيك العافية على النقل .

تحياااااااااتي .

فيصل المسند 16-Sep-2008 11:50 AM
محاورة من دررررررررررررررررررررررررر

وافي الخماش 16-Sep-2008 03:29 PM
قادح شرار الله لا يهينك ..

لا عدمناك يالذيب ..

عبد العزيز العضيــاني 16-Sep-2008 09:02 PM
قادح شرار الله يبيض وجهك

وحبيب بحر لاينضب بدون قصور في السمي
واذكر صار بينهم طاروق قوي من ضمنه يقول ابو فيصل

اخذنا جوخت اللي في مواقيفه سوات الحيد
وعطيناك الحصان اللي سبوق وياصل المادي

العفريت 16-Sep-2008 11:51 PM
قادح شرار
شكرا على المحاوره الرائعه
وصح لسان الشاعرين

قادح شرار 17-Sep-2008 11:03 AM
اقتباس:
المشاركة الأصلية كتبت بواسطة عبدالرحمن الهيلوم (المشاركة 734585)
صحت السنتهم


وانعم واكرم بسهووووم المنايا وظهور السواني جيران وغالين

أبو داحم ... حياك الله فالصفحة .

والبقوم الشهادة فيهم مجروحة بلا شك , جيران غالين .

مشكووووور على مرورك طال عمرك .

قادح شرار 17-Sep-2008 11:05 AM
اقتباس:
المشاركة الأصلية كتبت بواسطة الباااسل (المشاركة 734723)
لاهنت على النقل

وعاش الكنق ابوفيصل
مشكووووور على مرورك طال عمرك .

وعاش الكنق أبو فيصل , وعاش حمود .


الساعة الآن »11:04 AM.
صفحة 1 من 3 1 23
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd