سلام الله على معجب عدد مايعجب الناس = وهالليله نبا نرميه فالبحر العميقي
ووضع الذيب يامعجب تراى بالحيل حساس = تبا تعرف ليا منا مشينا بالطريقي

هلا يامرحبا ترحيبةٍ ماهيب تنقاس=بشاعر حرب قبل يصير فالغبه غريقي
ليا منك دخلت السوق لاتحري بالافلاس=ولاشفت الحريقه لاتجي وسط الحريقي

عطيناكم نهار البيع خيشة كلها الماس = ولاشفنا الثمن والله ماغيره يعيقي
وانا خابركم اليا الحين ماناظرتم الراس = لكن الفعل يكفي صاحبه ياهل الفريقي

تقوله وانت ماتدري عن اللي داخل الاكياس=قضيت الوقت نايم يوم غيرك جا يويقي
حسبنا حسابها يوم العرب وارياقها يبّاس=ولا جات الحقايق خاطرك حذرا يضيقي

ولا ياصاحبي من كلمتك لاباس لاباس = بسيطة لو مانته فالمكان اللي يليقي
عليك الطاس يامعزب وضيفك مامعه طاس = وانا هاليوم صاحبك وبعد مانته رفيقي

حذاري لامشيت الدرب يلحق عينك عماس=يبيلك فالدروب اللي على بالك تفيقي
ترفق لاتوديك الضنون لكتم الانفاس=ترا ماعدك الا صاحبي والا شقيقي