سلام تسليمٍ كما الحيد الزبين المرتفع = أما رقاه سعود والا ينسدح في قاعته
يحط في جيبه سبع ويشيل عن دربه سبع = ونفسه أليا شبعت من المقسوم الاول جاعته

يامرحبا ترحيبة تطلعبك إليا اطول ضلع = وتحوّل محمد ويرضع من طرف رضاعته.
هذه طبيعة من بطبعه خالف اطبوع الربع = يا الله عسى محمد يحصّل له ربح ببضاعته

لايلحقك شكه تراها سنعة بدرب السنع = نمشي على نهج الحكيم ومجهدين بطاعته
الناظر الاول ضحك والناظر الاخر دمع = وسعود دار به الزمان الشين دورة ساعته

يامحمد انته باقيٍ ضرس اللبن بك مانقلع = وسعود كم روسٍ معاندته واخيرآ طاعته
انته من حمول الجمل ياصاحبي وش تستطع = قلي ودورات الزمن كم من بنادم لاعته

البدر يوم أنه على الانصار في يثرب طلع = الناس فرحوا غير وجه الكفر بانت راعته
ماني بقايل ضبع ابا اجامل واناديك السبع = دامك مولع والمولع ماوفاء لولاعته