ياراكب من عندنا من على الرنج=اللي سوات السيل ساعه مسيله
انا مريض وحالتي ماتبا البــنج=تبا طراة الروح روس القبيلـــــة
يم البجادية تبا واقصر الهرج=لاد نافع محتمين الأصيلـــة
نسل النفاعي لاختلط عج في عج=تلقى هل الطالات والمستحيلة
خلف الدهينة مقعد مزبن الحرج=اللي ليا ضاقت غدا يشتكيله
اسعود راع الفعل لارج مارج=حيه وحي الشايب اللي سليله
مقعد سعود اللي ليا سرجو سرج=من دون ابو وضحى يروّ الصقيلة
ذكر الدهانة لاطرى فأول الهرج=النعم يطلع غصب فيه ومقيله
وختامها صلو على سالك النهج=على النبي عداد وبل المخيلة