ترا المشاكل بين الازواج تغتـال = تغتال فرحه حالمـه فـى زمنهـا
تجعل حياة العايله ذعـر وجـدال = والطفل يستاحش من اللي ومنهـا
ما فالمشاكل فود وبليـس حيـال = يقدح شرارة نار باللـي شحنهـا
اقولها من عقب ماشفت الاهـوال = كل يوم نقـرأ بالجرايـد رطنهـا
تعذيب مكروه على بزور واطفال = هذاك يوسمهـا و هـذا سجنهـا
ليه الاوادم ترتكب هكـذا اعمـال = هى واعيـه وألا تزايـد جننهـا
ماكن بالاسـلام للنـاس مدهـال = حيث العمل مرفوض من كان منها
يالزوج يالمسؤول عن بيت وعيال = انصحك بأبيـات تناغـم لحنهـا
إزرع ورود الحب بالوان واشكال = فى منزلك تحصد حسانى ثمنهـا
الاوله بالنفـس والـروح والبـال = تضفى على نفسك و يشرح بدنهـا
و لزوجتك ورد من الفـل ميـال = ميـال باشـواق المـوده رسنهـا
تعيش العمر مسرور ياطيب الفال = تسعد و يسعد من يعيش بوطنهـا

المشاركة الأصلية كتبت بواسطة عبدالرحمن الهيلوم (المشاركة 733199) أبداع ياالحافي والله انكم نودادر الشعر يالذيب تقبل مروري يابن العم الغالي

المشاركة الأصلية كتبت بواسطة الـثـقـفـي (المشاركة 733205) سعود الحافي صح السانك .. على القصيده الجزله ومشكوووور على الموضوع والله يوفقك وتقبل مروري ابن عمك..(عزيز)

المشاركة الأصلية كتبت بواسطة بندر النخيش (المشاركة 733276) صح لسانك اخوكم بندر النخيش

المشاركة الأصلية كتبت بواسطة عبدالله الجـــذع (المشاركة 733287) اجتماعيه قمه فالتميز والروعه نفع الله بك وبها صح لسانك مدد يابحر ننتظر جديدك محبك .,