ياسعود العصيمي كان ما فيك نوم = ياسلامي على هاللحيه الغانمة
لاصبح الصبح ما نقدر نشوف النجوم = تشرق الشمس والنجمة تجي مظلمة

يابناخي شبابيٍ يسد اللزوم = مرحبا ياعميلٍ ماخذٍ مقسمه
كان تبغى نجومك فالبحر روح عوم = كود يكفيك من صاحبك حد سهمه

الجمال الثلاث اللي عليها الوسوم = كيف حنا نوزع بينها الاوسمه
وان عطينا جملنا واحد من الرقوم = كلن يقول هذا الرقم لي سلمه

اخذ واحد من الارزاق منت محروم=واترك الناس كلآ ماخذٍ مسهمه
كل ماقمت حظي مع مقامي يقوم =مار بعض الاوادم كيف ابا اعلمه

البعارين كوم وشامخ الناب كوم = علم الجاهل اليا جيته وفهمه
خابرك برمضان تقوم وايضاً تصوم = مير ابن تيميه رب السما مكرمه

مالها سوق في رابغ ولا فالجموم= والجهاهيل مانبغى لها مكرمه
انت لو انت رجالٍ حصانك عزوم = كان حضك يعمر البيت مايهدمه