الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   الجمش (http://www.otaibah.net/m/showthread.php?t=77628)

عقاب بن سقيان العتيبي 05-Sep-2008 10:24 PM

الجمش
 
ياللي تحب الكيف عجل وسوه = كوم حطب ناره وشمر وقدها
وافطن لحبه قبل طحنه وهوه = وفي ماه خفف شعلته واقتصدها
وبالهيل قندها فداك المفوه =عجل على اللي ليلته ما رقدها
يفدال من يشناك والفين بوه = خمام الرجال اللي خبيث خلدها
هراجة الهرج النكيد المشوه = جعل الكريم من الوجود يحصدها
والشعر اجيك بما يسرك شدوه = مثايل يطرب لها من نشدها
بنات فكر يوم تشدى شفوه = ولم لها كراستك واعتمدها
ماهي كلام اللي كلامه مموه = كلام من صاغ البيوت ونقدها
قام وتنقى وانتقى من نقوه = وابهم على النقاد مبهم عقدها
وفرش عليه تغاب الاجواد طوه = تدل الخمام اشباهها وتهجدها
البارحه جفني منامه عدوه = هجوس ما اوكد لك ولاانفي وكدها
لي ديرة يالله من الوسم نوه = تعلها لين السحاب يهمدها
ثم عل راويها وروه وروه = وزدها رحماتك وبركاتك وزدها
دار فاهلها للمسير سخوه = اما رضعها الجود ولا ولدها
في علو نجد الجمش تزها علوه = يضيق نجد ليا غفى ما وجدها
بينه وبين الجمش ولف بقوه = ولف الخلوج اللي تهمل وحدها
في قفري توه من الوسم توه = ممطور امس وعشبته في سعدها
فيه ام سالم بالصدايح تنوه = تبعد عن النفس النكيده نكدها
جمش على الساس المجود نشوه = ماكر قرانيس ينومس هددها
عصري لكن احلى صفاته هدوه = وتميز الموقع بدوره فردها
ولا بلاد الا من رجاله سموه = ليا ثبتت خطلان الايدي وتدها
جمش الرجال اهل الشيم والمروه = علوم براهين الفعايل سندها
قبايل من روق فيها الجروه = لاللي عليه تحط الايام يدها
جيران واخوان وروابط عنوه = عراف احناف عمار بلدها
عقال بصغار الحكي ما تفوه = ماخاب حضه وارتدا من قصدها
للضيف ريف يمطر المزن جوه = كرام تكيد خصالهم من سردها
وفيهم وفيهم مع صلفهم حموه = علوم الرجال طوال واوفوا عددها
ولا للوفا والطيب عنهم سلوه = يموت حاسدهم بعينه رمدها
الطيب دربه عندهم مايتوه = دواهي تدها الدهيين بادها
نفايل الشجعان حشمه وخوه = نفايل تصعب على من فقدها
لعل جار يشكي الجار سوه = يشوف من بقعا الشنايع نكدها
ولعل بيت مايرى الضيف ضوه = تسقط سقوفه ويتسدح عمدها

شعر/ عقاب بن سقيان العتيبي

عبدالرحمن الهيلوم 05-Sep-2008 10:29 PM

جمش الرجال اهل الشيم والمروه علوم براهيـن الفعايـل سندهـا
قبايل مـن روق فيهـا الجـروه لاللي عليه تحـط الايـام يدهـا


صح السانك
والنعم ملياااااااااااااااااااار بالجمش ومن فيها

وعلي الراس والعين
الاد روووووووووووووووووووووق منزحة كل غاااااااااااااااوي


والنعم مليار ولايكفيهم

نايف الروقي 06-Sep-2008 01:21 AM

ونعم والله بالدلابحه وبديرتهم
صح لسانك

رمح العصاي 06-Sep-2008 02:41 AM

كفو والله ياعقاب على هذه القصيده الرائعه


ومعاليكم زود ياعتابه بالنيابه عن الدلابحه

عبدالعزيز نايف الدلبحي 06-Sep-2008 05:12 AM

صح لسانك










تحياتي

ضاامي وفااا 06-Sep-2008 05:23 AM

جمش الرجال اهل الشيم والمروه علوم براهيـن الفعايـل سندهـا
قبايل مـن روق فيهـا الجـروه لاللي عليه تحـط الايـام يدهـا


صح السانك

عبدالله الجـــذع 06-Sep-2008 07:03 AM

الله اكبر ...

شامخه يابحر

صح لسانك ونعم بمن ذكرت ربعنا واهلنا

الف شكر لك

محبك
.,

فواز علي الروقي 06-Sep-2008 08:12 AM

صح لسااااااااانك لاهنت يالغالي تحياتي لك

عقاب بن سقيان العتيبي 06-Sep-2008 11:44 PM

الاخوه الكرام
عبدالرحمن الهليوم...نايف الروقي...رمح العصاي...عبدالعزيز نايف الدلبحي...ضامي وفا...عبدالله الجذع...فواز علي الروقي...
اشكركم ايها الساده الكرام على مروركم والحقيقه تشرفت كثيرا بمروركم ولا غرابه فانتم كرام..وابناء كرام.. ولاخلا ولاعدم ياعتيبه الهيلا..
اتنمى لكم التوفيق دايما وختاما شكرا ياساده.

أبو فيصل الدلبحي 07-Sep-2008 06:34 AM

بن سقيان ,,,

حي والله هالراس الي جاب الدرر وياجلعني مافقده

صح لسانك يالجزل مدد بلا عدد كفيت ووفيت


الساعة الآن »03:02 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd