ياصاحبي كانك مع النـاس مشهـور=وأخذتلـك مـن كيـف الايـام دلـة
الوقت لو يصفي لـك أيـام وشهـور=لاتحسب انـه يصفـي العمـر كلـه
كم واحد يصبح من النـاس مسـرور=ويمسي معه يانـاس عشريـن علـه
هذي هي الدنيا لها عصور وعصـور=واحوالهـا نثبـت عليهـا الادلــه
فرعون هذا عقـب ماكـان مغـرور=طاغـي وشعبـه كلـهـم خدمتـلـه
الله زهم موسى علـى قمـة الطـور=أذهب الى فرعـون وسيفـك تسلـه
جاه النبـي ومعـه حجـه ودستـور=والآيتـيـن وكلبـوهـا مـــن الله
وانكر لعين الساس ولافـاده الشـور=مايـدري ان المعتلـي ممهـل لــه
قال اقتلوا موسى ومن معـه مذعـور=وبعده نبـي الله وقـف فـي محلـه
خلفه جيوش الكفـر وقدامـه بحـور=واضهر عصـاه بامـر ربـه ودلـه
قال اضرب البحر بعصاتك على الفور=وضربَهـا وامـر العزيـز امتثـلـه
وضهر على الغبه له اسياد وجسـور=ونجاهـم اللـي كـل صعـبٍ يحلـه
وفرعون اكلها ثم غرق ماله عبـور=ويوم البعث من دون مذهـب وملـه
ملك وخدم وشعوب واموال وقصـور=مافادتـه دنـيـاه والخـيـر كـلـه
ياصاحبي مانت بعلى الكذب مجبـور=مانتـه بجاهـل والخبـر فاطنـلـه
هذا جوابـي يومـك تلـف وتـدور=وتقـول هـرج مانـتـه بحاسبـلـه