والله إني شفت شين ما يقال=ولايسولف به جليسن للجليس
حاجتن فوق الحقيقة والخيال=كارثة والوضع جا منها تعيس
غزو فكري تنصهر منه الجبال=مار من يقنعك يا القلب الفطيس
علتن تعرض علينا من خلال=شاشتن أم بي سي لمسلسل لميس
المصيبة البنات مع العيال=كل واحد ينتظر وقت ويقيس
يحترون اللي عساهم للزوال=ويدفعون لشوفهم غال ونفيس
في جنوب المملكة ويض الشمال=همهم امشاهدة شلة إبليس
كل عصر وحالنا ما هوب حال=من يعاين فالخسيسة والخسيس
يا أمة الإسلام يا عيال الحلال=ميزو ويش الربوع من الخميس
لا يجي بقلوبكم مثل الظلال=تنجرف مع كل عاريتن وهيس
المسلسل ذا حرام ولا تسال=عنه يالغرقان لاتصبح غطيس
في ذنوبن كنها سود الليال=تدخلك نارن لها صوت وضريس
وجه ابن الشيخ مفتينا وطال=فالنصيحة ربه يحس الحسيس
قال هدم بيوت مافيها جدال=أصح ياللي من سبب نومك عميس