الهيـــــــــــــلا *** منتدى قبيلة عتيبة

- شعراء قبيلة عتيبة (http://www.otaibah.net/m/forumdisplay.php?f=46)

- - يا شين جو الدار (http://www.otaibah.net/m/showthread.php?t=7726)

يا شين جو الدار

لا والله اللي راح بالزين سرداح 000 خلى نفي ودار اريش العين جده
يا شين جو الدار عقب الغضي راح 000 اللي مثل نور القمر نور خده
ابو جديل فوق الامتان سراح 000 والرمش صفة عسكر مستعده
من يوم راحوا ماتهنى بالامراح 000 ود الخبر ياليل للزين وده
اسهر من المغرب اليا نور الاصباح 000 ارعى الهموم وكل نجم نعده
سبايب اللي زود القلب بجراح 000 لكن يا ربي علينا ترده
ان طولت غيبتك يا ضبي الابراح 000 والله لجر الصوت والثوب اقده
مير ارحميني قبل قصاف الارواح 000 يا بنت من يثني خلاف الاشده
وان صاح في تال المغاتير صياح 000 كم فارس يطرح على القاع خده
بمشلشل من ضربه الدم سفاح 000 والا بسيف يشلع العظم حده
يفتكها يوم ان الانظار طفاح 000 يوم الردي يلحق عليه اصل جده
لا واهني اللي من الحب مرتاح 000 ما صوبن قلبه سهوم الموده
مشيب بالبيت لا جا ولا راح 000 ماله ورى بيض الغنادير لده
كبير قلب من الهواجيس مرتاح 000 رجال وان جات اللوازم تعده
ما احد بداري عنه لا جا ولا راح 000 ما فاقده غير المره والمخده
هذاه يحسب من قصيرين الاشباح 000 لا راح نقص وان حضر لا تعده
فرقه عن الخفرات غتره ومسباح 000 وما سدنا بيت الردايف يسده

منقول

ابو خالد الدلبحي]

بيض الله وجهك اخوووي ابو خالد ....

وتسلم مليوووووون

والقصيدة لمن يابو خالد ..؟؟

تحياتي

تسلم يبن العم

هذي القصايد اللي تطرب البال هذي اللي تذكر في مجال الرجال مهوب القصيد
الجديد اللي احبك ياوردة البستان اخو من طاع الله
بيض الله وجهك وعلومك يدلابحه غانمه
اخوك الشاعر الصغير ابن المغيري

الاخ ابو وعيل تحيه طيبه القصيده هى لشاعر سويلم العتيبي
مع تحيات اخوك ابو خالد

تسلم وماقصرت وبيض الله وجهك

طويل الذراع

تسلم يمناك يابن العم

ابوخالد
يعطيك العافيه على القصيده
صح السانك والسان الشاعر سويلم
تقبل تحياتي

ابو خالد الدلبحى

بيض الله وجهك ولاهنت

قصيده جزله من شاعر جزل

واختيار موفق في انتقاء مثل هالقصائد

صح لسانك ولسان سويلم

دمت ودام حظورك يالنشمى