سلام الله سلامٍ فيه هز وكز للشعّار = يكز الشاعر الأول يهز الشاعر الثاني
يقوله شاعرٍ لو كثروا الشعار مايحتار = يوردها على وضح النقا ماعلّق العاني

هلا يا مرحبا ياللي تسّلم .. قدّم المعذار = تحسب انّك تبا تقضي على الشعّار من داني !! ؟
انا راسي على مرّ الزمن مثل الجبل سنجار = اورّدها واصدّرها نقى . .والعلم نيشاني

يدوم الك البقا لوكنت منت معزب الخطّار = تلبّست الجريمه يالمحلل مانت بالجاني
انا نجمٍ ليا قضّ الجبل خلاّ حصاه اغبار = لكنك شاور الخيره وعود لا تحداني

نكمّل فاللوازم بعضنا يا جار منت بجار = نريد الغايبه تظهر بميدانك وميداني
تقوله وانت ما ندري عنك ميرادٍ ومصدار = وليا دوّرتني يا راعي الوقفات تلقاني