سلام الله يالهيلا وانا شاعر فصيح لسان = واعد الحق لو انه على نفسي واجازيها
وانا ماهمني في الوقت كائن في البلد ما كان = من الروس الكبار اللي كبيراتن علابيها

هلا يامرحبا ترحيبةٍ يرجحبها الميزان=من هجوس القصيد اللي قوياتٍ معانيها
تقوله وانت مجهول الهويه تطرق البيبان=وانا لامن عرفت الناس اناديها بأساميها

يدوم ابك البقا والبندق اللي مابها نيشان = تصيب ونوب اتخيب لو حاميها حراميها
وانا النشاب ماطاحت عزومي معك يا ذيبان = وعسى نلقا الدروب اللي تنومسنا مساريها

اشوف ان السفينه فالبحر تمشي بلا ربان=والا يالله تحميها والا يالله تحميها
انا ماذمكم ياصاحبي يابادع القيفان=ولكن وشهي علوم الصلاة اللي تصليها

هههههههه



وعدنا عقب الصلاه ياذيبان

استلم يامعجب

أنا الحجة وانا البرهان يامعجب وانا السلطان = وأنا خابرك سايسها وحاكمها وقاضيها
وانا خابرك يامعجب مع الطرقة وسيع بطان = ما دام الصبر مفتاح الفرج والله يسويها

ياحبك للأنا ياصاحبي عوّذ من الشيطان=ترا الدنيا تزول وتنتهي محدٍ يخاويها
ترانا مانحب الزود يالنشاب والنقصان=لكن هات السوالف ياعميلي من تواليها