بال المشاعر طويل ومستـواه أرقـى=
لو كابد .. الشوق بين الوصل والغيبه =
والخاطر اللي شعوره يجـرح الورقـا=
من هيبة اللي تحبّـه .. دوّر الهيبـه =
ماتدري ان احترامه في الزمـن يرقـا=
للصدق .. والطيب والشيمه .. عذاريبه =
اخت القمر .. تكرم عن الجادل الطرقا=
ماتشبه الخلق في الحسـن وتراكيبـه =
استدعت الفرق .. واخذت عاتق الفرقا=
الله يسامح خطاهـا ويـش اسويبـه =
كفوف الاشواق من دون العذر عرقـا=
والوجد تقبل به الغيـره وتقفـي بـه =
وكبودنا مـن تباريـح الامـل حرقـا=
ياطول الايام .. والوادي عـوى ذيبـه =
واللي يهوّن مـرار الدمعـة الزرقـا=
تدري بحبي لها .. واحساسها ادري به =
احبها مثل حـب الروقـه لـ.. برقـا=
وتحبني مثل حب الطيـب لـ..عتيبـه =