ياسلامي سلامٍ يشمل الحاظرين=والقف اصحابي الشعار ياقف هنا
ودي اسولف الليله مع المبدعين=بس للثانيه يالربع لايحدنا

مرحبا في محل اهل الوفا الغانمين=والملاقيف واجد وانت من ضمننا
ليت معجب يجي ياربعنا معجبين=واحد(ن) عند روق واحد(ن) عندنا

البقا ياوسيع العرف مدري فطين=بس لهجتك هاذي كنها هندنا
انت دايم تمنا والله انه يعين=مثل ماهو بود اصحابنا ودنا

وش نجاوب على الرجال يالفاهمين=الهنود الحمر ما جدهم جدنا
اتمنا ولا زرت الحسن والحسين=علم الشيعة اللي كلهم ضدنا

الطبايع تشابه والعرب في يقين=مانبيها سوالف ودنا ردنا
مشكلة صاحبي واصحابه الطيبين=يحسبون الهدم من فوقهم والبنا