هــــــــــــواي
 

السلام عليكم ورحمة الله وبركاته
مساكم الله بالخير
هذه اول مشاركة لي معكم عسا ان تحوز على رضاكم


[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
انا في دنيتي ما اهوى الدنايـا =وعيني شمتها عن كـل دانـي
لدرب الطيب سجيت المطايـا =تعلمته من اقـراب وعوانـي
شربته وارتويت امن الروايـا= من اعدودٍ تجاذبهـا السوانـي
اعشق الطيب تدفعني الحمايـا =وصية اب من جـدي عطانـي
على درب المراجل والعلايـا =تعلينا عـن ادروب الطمانـي
ربيع العيـن شوقـي والمنايـا =ليا طاح الوسم والخـد زانـي
نبات الوسم فـي كـل النحايـا= من الله واهبن خضر الجنانـي
الي هب الهـوا هبـت شذايـا =خزام الروض وايا القيحوانـي
صباحه يجلي اهمـوم الحنايـا =وليله بالطـرب والمسهرانـي
رعت به من عطايا الله رعايـا= كما بيض الزوابـع غيترانـي
بواخـر بـر نقـواتٍ هدايـا =طوال ارقاب وحراب الاذانـي
نحور وساع وجـلال اللحايـا =وسنامٍ منفـهق والشحـم بانـي
سرينا فـوق منـدور المزايـا =صناعه افنـسٍ جـده يابانـي
على بابه كتب بعض الوصايـا= وروح للعـرب بالترجمـانـي
دقرنا الجيب ملعـون الثوايـا= عن المطناج مكفول بضمانـي
اليا دسته غدى صوتـه عوايـا =سراحينٍ تهـذرف جيعوانـي
بنوره لا كشف شمس الضحايا =تشوف اللي على ميلين بانـي
نقش راعيه في وجهه داعايـا =حلق ثنتين معنـا لـه وشانـي
دعامة مقدمـه مثـل السرايـا =ومن المصمك شموخه فالمكاني
غمارة مركبـه فيهـا حلايـا =مجاليس الشيـوخ الفيخمانـي
يغطى مرتبـه زيـن الكسايـا =مطرز حسب موضات الزماني
معي من خير ربعي واصدقايا =من اربوعٍ عريبيـن المجانـي
الي جاء للكرم وقت وطرايـا =لقيت الحيل من فوق الصواني
لقيـت النـار ودلالٍ ركـايـا =قنايد هيـل و انتـاج اليمانـي
سوالف طيب واجزال الحكايـا =عن النمات شامـوا والهدانـي
هل الطا لات عذبين السجايـا =على موجوبها تلقى الحسانـي
لويت القاف عن درب الخطايا =ولي توقيع في يمنى المعانـي
يقولـه شاعـرٍ داس الحيايـا =وعشره عشر ماترجع ثمانـي
[/poet]

الاخ ناصر
 

ماشء الله تبارك الله..
عيني عليك باردة..

معي من خير ربعي واصدقايا من اربوعٍ عريبين المجانـي
الي جاء للكرم وقت وطرايـا لقيت الحيل من فوق الصواني
لقيـت النـار ودلالٍ ركايـا قنايد هيل و انتـاج اليمانـي

وننتظر منك المزيد..
ياشاعر المنتدى


اخوك
فرهودي

أستغرب والله ...

قصيدة كهذه ولا يوجدعليها سوى رد واحد ...!!!

اخوي :

صح لسااانك ..
قصيدة جزلة ...
تستحق الإشادة ...
سلمت هذه الذائقة ...
لك مني التقدير والمودة ...








تحياااااتي.

صح لسانك اخوي
قصيدة رائعة جدا
قصيدة مليئة
بكل المعاني الرائعة
وبكل المعاني السامية
مشكوووووور اخوي

اعشق الطيب تدفعني iiالحمايـا وصية اب من جـدي عطانـي
على درب المراجل iiوالعلايـا تعلينا عـن ادروب iiالطمانـي

وصيه


اب


من


جدي



عطاااااني


كفوووووووو

صح لساااااااااانك مليوووووووون ولا يكفون

على هالشااامخه

مليااانه بكل المعاني الرئـــــــــــعــــه

ونتمنا ان نرا الكثير منك فلا تحرمنا


تقبل تحياتى واعجابي

ناصر بن دغيم


صح لسانك..

قصيده تعانق السحاب..

بروعتها وجمالها...


تحياتي...

يقولـه شاعـرٍ داس الحيايـا

وعشره عشر ماترجع ثمانـي

الاخ ناصر دغيم يعطيك الف عافيه على المشاركه

الجميله لك اجمل / خالد العصيمي

هلا وغلابك يافرهودي
ولاهنت على مرورك
وصح بدنك
وتدوين اعجابك بالقصيدة شرف لي

هلا وغلا بالشاعر وصل العطياني
ولاهنت على مرورك
وصح بدنك
وتدوين اعجابك بالقصيدة شرف لي

هلا وغلابك اخوى عبد الاله
ولاهنت على مرورك
وصح بدنك
وتدوين اعجابك بالقصيدة شرف لي