ياهجوس الشعر طالبكن طلب= والله ان الحين نفسي ضايقه
كنت رايق صح لكن الصلب=خربوا جو النفوس الرايقه

الزمان الي علينا مايجود=ماشكينا اله من الخطب الجلل
مانمل من الصفاري والنفود=لوسكنا فالقصور وفالفلل
ولايدوم الضيق والفرحه تعود= تشفي الصدر العليل من العلل
دايماً نرقى مع العليا سنود=ما تبعنا للمقاهي والشلل

يالله عسى ضيقة الخاطر تفرجها= من قبل تلحق على قلبي وشريانه
بعض اللباقه مع اهل الطيب تحرجها=تاخذ منه حاجتك والنفس رضيانه
والي خيوله على الخسه مسرجها=لو المكارم تغمره راعي خيانه
عجز الجمل من حموله لا يدرجها=الوضع خربان والاخلاق خربانه