موج المحيط يداعب السيف نشوان = مابين مد وجزر ليل ونهارىآ
ومحيط فكري موجه الشعر طربان = الى هاج موجه كل سيفٍ توارىآ
وصار القلم في صفحة الطرس له شان = يربط عواصي ما ربط للحيارىآ
جل البيوت اللي للأمجاد عنوان = شم المعاني ماعليهن غبارىآ
خيرتهن بين العرب قالن الآن = المدح يرقى ما يعود حدارىآ
فرّاج مدحه يالعطاوي الى وآن = قلت التويجر منفرد للمهارىآ
أحيا بذكر خزام حماي الأوطان = حتى غدالي من قصيده منارىآ
نعم الشيوخ اللي على الدوم عتبان = قدم ويمين ولا تنحوّ يسارىآ
أفخر بهم وأثني على عبدالرحمن = روقي وبرقاوي ركونه قرارىآ
ولد خزام ومن مرابط كحيلان = شيخٍ مجانية البيوت الكبارىآ
يوم أمدحه ماقالوا الناس غلطان = شيخٍ بيوتي في وصوفه غيارىآ
ماهوب انا ممدوح في كل ميدان = وأنا ما اسب امدح ومدحي جهارىآ
الله خلقني للوفا قلب ولسان = ولي في حميد شيوخنا كل كارىآ
هي دوك ياشقران ياطير حوران = ياطيرنا اللي من نوادر حرارىآ
يمك بيوتي ترتفع مالها الحان = الا المعاني متعبات المجارىآ
فيك أنت يا من فيك للشعر تبيان = ماحلى بيوتي في حميدك ظيارىآ
فرّاج يقصد يوم زوعات الأظعان = في جدكم يامحيّلين المهارىآ
وانا قصيدي شوق مانيب حزنان = شفقٍ على شوفة بعيد المزارىآ

المشاركة الأصلية كتبت بواسطة عبدالمجيد العطاوي (المشاركة 721489) صح لسان شاعرنا وشاعر هوازن الشاعر الكبير : عبد الرحمن العطاوي ويستاهل الشيـــخ المهري ولا يهونون باقي شيـــوخ الهيـــلا ’’’’’’’’’’’’’’’’’’

المشاركة الأصلية كتبت بواسطة مرزوق حمدان العتيبي (المشاركة 721561) فرّاج يقصد يوم زوعـات الأظعـان فـي جدكـم يامحيّليـن المـهـارىآ .. يقول فراج التويجري عليه رحمة الله .. ... يانجد وين محلين الثنيه منزحه عن نجد دقلات الاجناب. ... صح لسان العطاوي ويستاهل ابو خزام .. .. ولاهنت يالغالي على نقلك وحسن اختيارك ....

المشاركة الأصلية كتبت بواسطة مساوط نجد (المشاركة 721572) مشكـــــــــــــــــــور