قصيدة الاسعدي
 

تعشقت ظلم الزاج لاستعبد الاوراق *** ولو ماحسن التوقيت غنيت بلحونة
خطايا الصواب تصوب الخاطي التفاق *** على كسرة الخاطريسوقنه ظنونه
يشق الظلام النور والناصية براق *** ترازم رعوده بالظماير على هونه
خفايا الغلا تثبت ولو يبست الارياق ***تحامى ظلوعي لاسرج البوح مع نونه
تعود غلاي الصمت لو هاجت الاعماق ** يمرنه الاحداث ما هزت اركونه
تزور الليالي ضيم ويعاند الخفاق *** ولو شفت مذخور النواظر قلب لونه
وعيني لها لده لو البال ماقد راق *** وامد المسافة شوف والحلم بطعونه
تشربت من صغري مبادي هلي ترياق ** شعورن خلايا الجسم ترعاه وتصونه
دماها وفاء وإنصاف وهبة من الخلاق ** ولا تلحق المقفي لو البرق بمزونه
تسابق على صدري ليا ضاقت الاخلاق ** واعديبها الراسي من الراس ممنونه
توارد على الخاطر من الشارده ميثاق **نوادر سجلات التواريخ مامونه
عليها من الاوتاد رسم ونقى ورواق ** عليها ثوابت من تعزوى بمزيونه
ترسخ معالمها بالاذهان ما تنباق ** ولاها لخالقها ولا هيب مرهونه
تجاوز حدود الذات وتطوق الاعناق ** تشيل الرقاب ذنوب وتموت مديونه
على اعلى معالي ما علا والسلام رقاق ** تباشربه الامال وتعود مغبونه
تجافى الجنوب من الملل والزمن مافاق ** وسما الليل يردم مابعد باح مكنونه
يمر السبوع اسبوع المنتظر تواق ** مابين الرجا والخوف والنفس مفتونه
من اهل الهوى ظاق الظنى والظنى غساق ** حمم فوهة بركان والناس يردونه
صباح الهواوي مثل ليله سهر وإرهاق ** تسافر به الامال وتعود من دونه
يراهن على ياسة وسلك الغرام رقاق ** وحده مثل حد المهند وقانونه
تشيل الحمول متون الحمل ماينطاق ** يحده غلاه لعالمن ما يحبونه
غرف شوفه التفكير واثر الليال سباق ** وغنوا طواريقه عرب ما يعرفونه
تمادى الغوى باهل الهوى والسنين عتاق ** بلا ذنب شالت ذنب عيوا يشيلونه
حوى الصدر دانة بيد مامونة الاعراق ** يرواد غلاها رغبة النفس وتخونه
تبي عبرتن تاخذ نفسها من الارماق ** ولا همها اللي دونهاعقد ردونه
ابا القلب لا يسلى وزود الغرام فراق ** فلا الوقت بعدها ولا الريخ ميمونه
مشاريه تذبحها المعاذير ما تنساق ** على من يشوف الناس في مذنب عيونه
تساما عن الهين ولا بقبل الاخفاق ** ولو طولت بين المحاديب مسجونه
لها عزتن ما تنتساوم على الاطلاق ** بامر الذي كال المخاليق يرجونه
فداها القلم والطرس والليل والبراق ** وصوتن على المنكوس غنتني لحونه
بلادي بلاد الخير والمجد والاشراق ** دعاء الله خليله بأمنها لا يمنونه
بدستورها القرآن عدلن ملا الافاق ** وحكامها ال سعود يهجة يقرونه
على الدين عاهدنا ولا للعهد بواق ** بالرقاب بيعة جوف العماق مخزونه
على العروة الوثقى بدوم العالم خقاق ** بنور السلام اللي ملا الكون مضمونه

مشكور على المرور يا عبدالرحمن

والتوقيع الخاص فيك معجبني حيل

للرررررررررررفع