الهيـــــــــــــلا *** منتدى قبيلة عتيبة - حبيبة قلب شاعرها !((مــشــعــان البــراق))

- شعراء قبيلة عتيبة (http://www.otaibah.net/m/forumdisplay.php?f=46)

- - حبيبة قلب شاعرها !((مــشــعــان البــراق)) (http://www.otaibah.net/m/showthread.php?t=76774)

حبيبة قلب شاعرها !((مــشــعــان البــراق))

السلام عليكم ورحمة الله وبركاته

من روائع مشعان البراق.

بعنوان (حبيبة قلب شاعرها)

يا همّ / رح نام لاتسهر علشاني=عيونك اقراء تعبها في محاجرها
ارتح وانا جروح روحي وضعها ثاني=ضلوع صدري عليها .. الله يقدرها !
ماهو غريب ان سهرت الليل وحداني=كل الليالي بلا خلان ساهرها
رح خلني عايش ِ في غربة اوطاني=اجمع بقاياي قبل الصبح وانثرها !
مابين صبري على ياسي وحرماني=ومابين الايام ماضيها وحاضرها
انسى اني اللي يشيل الجرح ويعاني=وارجع لـ.. ذيك الليالي واتذكرها
كم جابني درب والا .. كمّ وداني=على طعون المواليف وخناجرها
شاعر ويكتبني احساسي ووجداني=وقصايدي في حبيبة قلب شاعرها
كتبتها شعر .. من يقراه / يقراني=حفظتها .. دمعة ٍ ماني بـناثرها
غنيتها .. واصبحت معزوفة الحاني=رسمتها وابهرت من هو يناظرها
تعيش في داخلي وتحرك اشجاني=لو في الحقيقه ظروف الوقت تقهرها
لو تطلب عيوني الثنتين بـ.. العاني !=في ذمتي ذمه اني ما اتكاثرها
كم ليله الشوق سريته وسراني=كنه يقدي خطاء رجلي على آثرها
العام .. خلتني انسى الناس من داني=ملت حياتي من اولها ليا اخرها
وقبل تمرّ التباشير .. وتعداني=عن ساحل الوصل مبحرة ٍ بواخرها !
يا كثر ما احتاجها لكن ما امداني=راحت .. ودنياي ماني بـ.. متصورها
حتى التفاكير .. تامرني وتنهاني=واسدل على مسرحيتها .. ستايرها
ان طال صبري على سجني وسجاني=ايامي المقبله .. وشلون ابصبرها
صحيح جاني من الايام ماكفاني=لكن فدوه .. وعزالله عاذرها
اللي من الشوق ترواني وتضماني=كلش ولا اللي يبي يجرح مشاعرها !

صح لسانه لاهنت يا عبدالعزيز ..

ياسلام

رائعه من روائع شاعرنا المميز / مشعان البرّاق

لاهنت ياعبدالعزيز على النقل الرائع ..
تحيتي

اقتباس:

المشاركة الأصلية كتبت بواسطة وافي الخماش (المشاركة 719289)

صح لسانه لاهنت يا عبدالعزيز ..

صح بدنك يالذيب.

ومشكووور يالغالي على المرور الرائع.

@

لو تطلب عيوني الثنتين ب.. العاني !
في ذمتي ذمه اني ما اتكاثرها

>> عجبني هالبيت

صح السان البرااق وسلمت يالغالي عالنقل

يا همّ رح نام لاتسهر علشانـي
عيونك اقراء تعبها في محاجرها

صح الله اللسانه
مشعان البراق
دووووووووووووووووم مبدع

ولاهنت اخوي عبدالعزيز
ويعطيكـ .. العافيه

.

.

.

.

أ

خ

و

ك

اقتباس:

المشاركة الأصلية كتبت بواسطة محمد العتيبي (المشاركة 719409)

ياسلام

رائعه من روائع شاعرنا المميز / مشعان البرّاق

لاهنت ياعبدالعزيز على النقل الرائع ..
تحيتي

الرائع هو مرورك.

مشكوور يالغالي على المرور.

@