خط النذالة قدم الأنذال مقزوز=النذل يمشي مثل ماهوب عايز
لو كح فوق المنبر العفن منحوز=ربعـي يزيدون المنحز نحـايز
راع الخطأ يجـزأ على الفرد بالجـوز=ليا جـاء المسـاس اللي يمس الركـايز
مشكور يا محماس وش عند أبا الفوز=فوز ٍ ما هوب مدورا ً عند فايز
فوز ٍ ما هوب الفوز بالسيف والروز=فوز الرجال اللي تعـاف الجوائـز
لا شفت للعيله علامـات ورمـوز=عنها ومنها صـرت شايم وجـايز
قبيلة الهيـلا لهـا العز مكنـوز=ما تنحـني هاماتهـا لــ الأفـايـز
اللجنة اللي شكلت مابها عـوز=كل أجـوف ٍ منهم مساره مشايز
قوم ٍ عبير أحمد لها عندهم فوز=تجتاز شئ ما اجتيازه بجـائز
لو باسكال المشعلاني وفيروز= ........ فايز خذاهن خـزايـز
وان كان شـاف الوضع مزري ومهزوز=يمكن يحولـها منافس عجايز