مرحبا بالشاعر اللي حل ضيفٍ في محله = مرحبا به في محله مرحبابه في حلاله
واجبه فوق الطلي ندعيه وانقهويه دله = قبل لاناخذ علومه نكرمه ويطيب فاله

بارك الله في رفيقٍ كل معقود يحله = وان قلط مايشرب الا الكيف من صافي دلاله.
العتيبي ما نزل منازل ماهو منزلّله = انتبه بعض الدروب ابها ملفات وحواله

انطق العلم الصحيح ومن يجيك بغير خله = علم ماهو صح خله من نصيب اللي سعاله.
مارضينا لك خلاف ولا رضينا لك مذله = والبحر لاهاج موجه يصطفق جاله بجاله

لاعرفت العلم ياعايد كلامك ما نمله = وان غويت العلم دورنا على علمٍ بداله
بارك الله فيك يابيتٍ يظللكم بظله = يوم بعض الناس يجفل يالعتيبي من ظلاله