عيني على شوفة المجمول ملهوفه=والعين مرباعها شوف (العتيبيه)
مرهون قلبي لها بجناه وصروفه=مرهون لعيونها بنت (الفلانيه)
غروٍ عطاه الكريم الزين ووصوفه=حورية ٍ مابها عذروب موليه
مركوز الانهاد والمثناه ملهوفه=والعين عين المها والجيد ريميه
والخد ورده من البستان مقطوفه=خدٍ رقاق وشفاهٍ حيل ورديه
راعي ثمان ٍ سوات اللول مرصوفه=والفلجه اللي تمثناهن جنونيه
احجاجها غمد كل ارموشها سيوفه=ياويل قلبي ليا لدّت شقاويه
شقر الذوايب ثلاث اخصال ملفوفه=ما هي صناعيه الشقره طبيعيه
اليا مشى ترقص الازهار وتحوفه=حاله عجيبه نسيم الورد وبنيه
يا حظ الارياح وايضا حظ نفنوفه=في قربها يا هلي... والنيه النيه
يا حلم الايام لا تبعد بها اطيوفه=الروح ما تقدر افراقه هواويه
اخت لقرومٍ بعلم الطيب معروفه=بنت الحصان الاصيل امبعّد الهيه
اطهرمن احرام مسلم بينٍ خوفه=وانقى من الغيمه البيضا السماويه
يا كم عين ٍ على حلياه مشفوفه=دره ثمينه ويحماها شقرديه
يازين لقياه يوم امرّ واشوفه=اعيوني اتراقبه وايداه بيديه

المشاركة الأصلية كتبت بواسطة أبو حمدان الهذلي (المشاركة 716226) الله الله قمة الإبداع أخوي سند صح الله لسانك وعلا شانك

المشاركة الأصلية كتبت بواسطة فواز علي سريع الروقي (المشاركة 716972) سند العتيبي صح لسااااااااااااااااااااااانك القصيده جزله تحياتي لك