مرزوق وش رايك الليله وش اللي ترى = المعرفه للعرب مفتوح بيبانها
الملعبه حاميه والدرب طلعة كرى = اقولها والاصايل وسط ميدانها

يالقشعمي سر قافك دام ليلك سرى = والكلمه الطيبه ترجح بميزانها
عطني علومك وش اللي في ضميرك طرى = انا خويك وعان الملعبه عانها

السالفه بيننا مابين بيع وشرى = وبه قصة ٍ بالضماير صعب نسيانها
جبنا ذهب لكن المشكل دفن بالثرى = وابعدت انا والطيور ترفّ جنحانها

ان كان قصتك ما ذرّى عليها الذرى = الناس تحكم على الملموس بأعيانها
ياصاحبي شد حيلك والتزم بالسرى = والوافيه تعّب اقدامك على شانها

جرح ٍ من العام لكن هالليالي برى = وان كان دلّتك بردت شبّ نيرانها
واليوم انا ابيك تحسبها بردّ البرى = كربون بعض المواتر سدّ شكمانها